सध्या सलमान खानचा (Salman Khan) 'बिग बॉस 19' (Bigg Boss 19 ) चांगलाच चर्चेत आहे. ऑगस्ट महिन्याच्या शेवटी शो सुरू होणार आहे. शोमध्ये कोणते चेहरे पाहायला मिळणार याची जोरदार चर्चा सोशल मीडियावर रंगली आहे. आता 'बिग बॉस 19' विषयी मोठी अपडेट समोर आली आहे. टीव्ही अभिनेत्री हिना खान (Hina Khan) 'बिग बॉस 19' मध्ये येणार असल्याची चर्चा पाहायला मिळत आहे.

अलिकडेच काही दिवसांपूर्वी सलमान खानने 'बिग बॉस 19' एक खास व्हिडीओ शेअर केला आहे. ज्यात शो सुरू होण्याची तारीख सांगितली आहे. व्हिडीओत सलमान खान एका वेगळ्या अंदाजात पाहायला मिळत आहे. व्हिडीओत सलमान खान नेत्याच्या भूमिकेत दिसत आहे. त्यामुळे 'बिग बॉस 19'ची थीम राजकारणाशी संबंधित असणार अशी चर्चा सुरू झाली आहे. या व्हिडीओला हटके कॅप्शन देण्यात आले आहे. कॅप्शनमध्ये लिहिलं की, "लौट आया हूँ मैं लेके बिग बॉस का नया सीझन! और इस बार चलेगी - घरवालों की सरकार"

'बिग बॉस 19' पाहण्यासाठी प्रेक्षक उत्सुक आहे. सोशल मीडियावर अनेक नावांची चर्चा पाहायला मिळत आहे. त्यात आता अजून एका नावाची भर पडली आहे. 'बिग बॉस 19' हिना खान येणार असल्याचे बोले जात आहे. मात्र अद्याप कोणतीही अधिकृत घोषणा झाली नाही आहे. हिना खान याआधी 'बिग बॉस 11' मध्ये पाहायला मिळाली होती. तिला चाहत्यांनी खूप प्रेम दिले. तिचा बिग बॉसमधील गेम चाहत्यांना खूप आवडला.

'बिग बॉस 11'ची ट्रॉफी शिल्पा शिंदेने उचलली होती. तर हिना खान पर्वाची उपविजेती ठरली. त्यामुळे आता हिना खान 'बिग बॉस 19'मध्ये कधी, कुठे, कशी पाहायला मिळणार हा प्रश्न देखील नेटकऱ्यांना पडला आहे. त्यामुळे प्रेक्षक शो पाहण्यासाठी उत्सुक आहेत. भाईजानचा 'बिग बॉस 19' शो 24 ऑगस्टपासून प्रेक्षकांच्या भेटीला येणार आहे.