Race 4 Saam Tv
मनोरंजन बातम्या

Race 4: आता पडणार पैशांचा पाऊस ! सैफ अली खानचे 'रेस ४'मध्ये कमबॅक

Race 4 Confirm: गेल्या वर्षापासून रेस फ्रँचायझीच्या चौथ्या भागाबद्दल चर्चा सुरू होत्या पण 'रेस ४' च्या निर्मात्यांनी एक अपडेट शेअर करत चाहत्यांना खूश केले आहे.

Shruti Kadam

Race 4 : अजय देवगण आणि अक्षय कुमार यांच्यासह अनेक स्टार त्यांच्या जुन्या हिट फ्रँचायझींचे पुढील भाग बनवण्यात व्यस्त आहेत. अशीच एक मोठी फ्रँचायझी म्हणजे रेस, ज्याच्या चौथ्या भागाबद्दल गेल्या वर्षापासून बातम्या येत आहेत. चौथ्या भागात सलमान खान नसणार असल्याचे म्हटले जात होते आणि त्याच्या कथेवर काम सुरू आहे.आता, निर्मात्यांनी रेस ४ बद्दल एक मोठी अपडेट शेअर केली आहे, जी ऐकून चाहते खूप आनंदी होतील.

'रेस ४' च्या निर्मात्यांनी पुष्टी केली आहे की चित्रपटावर काम सुरू आहे आणि त्याचे चित्रीकरण लवकरच सुरू होईल. 'रेस ३' मध्ये न दिसल्यानंतर सैफ अली खान या फ्रँचायझीमध्ये पुनरागमन करणार असल्याचे म्हटले जात आहे. या चित्रपटात सिद्धार्थ मल्होत्रा ​​आणि सैफ मुख्य भूमिकेत दिसणार असल्याचेही समोर आले आहे. दरम्यान, चित्रपटातील मुख्य अभिनेत्री आणि इतर कलाकारांच्या कास्टिंगबाबत अनेक अफवा पसरत आहेत.

'रेस ४' बद्दल निर्मात्यांचे अधिकृत निवेदन

'रेस ४' च्या कलाकारांच्या कास्टिंगबाबतच्या सर्व अफवांचे निर्मात्यांनी खंडन केले आहे. टिप्स फिल्म्सचे निर्माते रमेश तौरानी यांनी 'रेस ४' च्या कलाकारांच्या अफवांवर भाष्य करणारे एक निवेदन जारी केले आणि चित्रपटाचे पटकथालेखन सुरू असल्याची पुष्टी केली. त्यांनी त्यांच्या निवेदनात म्हटले आहे की, "आम्ही हे स्पष्ट करू इच्छितो की आम्ही सध्या फक्त सैफ अली खान आणि सिद्धार्थ मल्होत्रा ​​यांच्याशी रेस फ्रँचायझीच्या पुढील भागासाठी चर्चा करत आहोत, जे सध्या पटकथालेखनाच्या टप्प्यात आहे. या टप्प्यात इतर कोणत्याही अभिनेता किंवा अभिनेत्रीशी संपर्क साधण्यात आलेला नाही. आम्ही मीडिया आणि सोशल मीडिया पेजना खोट्या बातम्यांपासून दूर राहण्याची आणि आमच्या पीआर टीमकडून अधिकृत पुष्टी मिळण्याची वाट पाहण्याची प्रामाणिक विनंती करतो."

सलमान खानने सैफची जागा घेतली होती

२०१८ मध्ये, या फ्रँचायझीच्या तिसऱ्या भागात, 'रेस ३' मध्ये सुपरस्टार सलमान खान मुख्य भूमिकेत दिसला. या चित्रपटाचे दिग्दर्शन रेमो डिसूझा यांनी केले होते आणि सलमान खान फिल्म्स आणि टिप्स इंडस्ट्रीज यांनी त्याची निर्मिती केली होती. बॉक्स ऑफिसवर, जगभरात जवळपास ३०० कोटींची कमाई करूनही हा चित्रपट अपेक्षेनुसार कामगिरी करू शकला नाही

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ind vs Eng : बेन स्टोक्ससोबत भरमैदानात बाचाबाची; रविंद्र जडेजानं सांगितलं नेमकं कारण

Ashadhi Ekadashi Upvas: आषाढी एकादशीला जास्त मेहनत न घेता घरीच बनवा हे ६ सोपे पदार्थ

Hruta Durgule : महाराष्ट्राची क्रश हृता दुर्गुळे सध्या काय करते ?

Jalebi Recipe: घरी आलेल्या पाहुण्यांसाठी ३० मिनिटात बनवा खमंग जिलेबी, नोट करा रेसिपी

Sushil Kedia : आम्ही जर आमच्या औकातीवर उतरलो तर...; दुसऱ्यांदा ट्वीट करत सुशील केडिया यांची राज ठाकरेंना धमकी

SCROLL FOR NEXT