Rekha Bold Scene in Bathtub: बॉलिवूडची सदाबहार अभिनेत्री रेखा या त्यांच्या अद्वितीय सौंदर्य आणि अभिनयासाठी नेहमीच चर्चेत राहिल्या आहेत. पण सध्या त्यांचा एक जुना व्हिडिओ पुन्हा एकदा सोशल मीडियावर व्हायरल होत आहे. हा व्हिडिओ त्यांच्या आणि अभिनेता जितेंद्र यांच्या जुन्या चित्रपटातील एक बोल्ड सीन आहे. या सीनमध्ये दोघेही बाथटबमध्ये रोमँटिक मूडमध्ये दिसत आहेत.

हा सीन जवळपास ३६ वर्षांपूर्वीच्या 'सौतन की बेटी' चित्रपटासाठी चित्रित करण्यात आला होता. त्या काळात अशा प्रकारचे दृश्ये अत्यंत धाडसी मानले जात होती. तरीदेखील रेखाने आपल्या भूमिकेप्रती निष्ठा ठेवत हा सीन आत्मविश्वासाने साकारला होता. तिच्या चेहऱ्यावरची सहजता आणि अभिनयातील परिपूर्णता पाहून प्रेक्षक आजही थक्क होतात.

सोशल मीडियावर या सीनचा व्हिडिओ पुन्हा समोर आल्यानंतर अनेकजण रेखाच्या धाडसाचे आणि व्यावसायिकतेचे कौतुक करत आहेत. काही चाहत्यांनी लिहिले आहे की, “त्या काळात अशा प्रकारचा सीन देण्यासाठी खूप आत्मविश्वास लागते, रेखा त्या काळीही एक पाऊल पुढे होत्या.” तर, काहीजण या सीनमुळे रेखावर टिका करत आहेत. एकाने लिहीले, ही आपली संस्कृती नाही कलेच्या नावाखाली काहीही करु नका.

रेखाने आपल्या कारकिर्दीत अनेक हिट चित्रपट दिले आहेत आणि प्रत्येक भूमिकेत वेगळेपणा दाखवला आहे. जितेंद्र यांच्यासोबतची तिची केमिस्ट्रीही त्या काळात खूप लोकप्रिय होती. आता पुन्हा एकदा हा सीन चर्चेत आल्यानं, रेखाच्या ग्लॅमरस आणि बोल्ड अवताराची आठवण चाहत्यांना झाली आहे.