प्रसिद्ध बॉलिवूड अभिनेत्रीवर कुत्र्याने हल्ला केला आहे. ज्याचा व्हिडीओ सोशल मीडियावर प्रचंड व्हायरल होत आहे. गुरुवारी रात्री मुंबईत 'ओह माय डॉग' (Ohh My Dog) या चित्रपटाच्या विशेष स्क्रीनिंग पार पडले. स्क्रीनिंगदरम्यान, एका कुत्र्याने अचानक अभिनेत्री रवीना टंडन यांच्यावर हल्ला केला. त्यांच्या कपड्यांना पकडले. मात्र अभिनेत्रीने संयम दाखवत न घाबरता परिस्थिती शांतपणे हाताळली.

व्हिडीओत पाहू शकता की, रवीना टंडन'रेड कार्पेट'वर उपस्थित होती. तिथे असलेल्या एका कुत्र्‍याशी अभिनेत्री प्रेमाने संवाद साधताना दिसली. अभिनेत्री खाली बसल्या आणि तिने कुत्र्याला प्रेमाने कुरवाळले तसेच तिथे उपस्थित असलेल्या पापाराझींसाठी त्याच्यासोबत फोटोही काढले.जेव्हा पापाराझींच्या विनंतीनुसार त्या एकट्याने फोटो काढण्यासाठी उभ्या राहिल्या, तेव्हा त्यांच्या पिवळ्या टॉपच्या लटकणारी दोरी आणि बाही पाहून त्या कुत्र्याचे लक्ष विचलित झाले. जोरात भुंकत त्याने अचानक त्यांच्या कपड्यांना पकडले.

ही अनपेक्षित घटना घडली असतानाही, अभिनेत्री घाबरली नाही. तिने शांतता राखली, कुत्र्याच्या सांभाळणाऱ्यांना (हँडलर्सना) परिस्थिती नियंत्रणात आणू दिली आणि त्यानंतर पुन्हा एकदा त्या कुत्र्याला प्रेमाने कुरवाळताना दिसल्या. या सर्व घटनेवरून रवीना टंडन यांचे प्राणी प्रेम दिसून येते.

मीडिया रिपोर्टनुसार, पापाराझींशी संवाद साधताना रवीना यांनी स्पष्ट केले की, त्या कुत्र्याने त्यांच्यावर हल्ला केला नव्हता. अभिनेत्रीच्या म्हणण्यानुसार, रेड कार्पेटवर आणखी एक कुत्रा येत असल्याचे पाहून तो प्राणी उत्साही झाला होता आणि तो त्या परिस्थितीला प्रतिसाद देत होता, त्यांना इजा पोहोचवण्याचा प्रयत्न करत नव्हता.