'विरोश' (VIROSH) च्या लग्नाआधीच्या समारंभांना सुरूवात झाली आहे. गेले अनेक वर्ष दोघे एकमेकांना डेट करत आहेत. आता अखेर रश्मिका मंदाना आणि विजय देवरकोंडा लग्नबंधनात अडकणार आहेत. उदयपूरमध्ये शाही थाटात दोघे नवीन आयुष्याला सुरूवात करणार आहेत. रश्मिका-विजयच्या लग्नासाठी सेलिब्रिटींची मांदियाळी पाहायला मिळणार आहे. अनेक कलाकार उदयपूरला पोहचले आहेत. अशात आता सोशल मीडियावर रश्मिका-विजयचा आणखी एक व्हिडीओ व्हायरल होत आहे. ज्यात त्यांच्या संगीत समारंभाची झलक पाहायला मिळत आहे.

रश्मिका मंदाना आणि विजय देवरकोंडा यांच्या लग्न सोहळ्यातून एक व्हिडीओ समोर आला आहे. ज्यात त्यांच्या संगीत समारंभाची झलक पाहायला मिळत आहे. हा संगीत सोहळा खूपच खास असणार आहे. व्हायरल व्हिडीओमध्ये रश्मिका मंदाना आणि विजय देवरकोंडा यांचे फोटो पाहायला मिळत आहे. संगीत समारंभाचे डेकोरेशन खास दोघांच्या कपल फोटोंनी करण्यात आले आहे. त्यांच्या रोमँटिक फोटोंची झलक व्हिडीओत पाहायला मिळत आहे.

सोशल मीडियावर व्हायरल होत असलेल्या या व्हिडिओमध्ये विजय आणि रश्मिकाचे अनेक सुंदर आणि गोड फोटो दिसत आहे. हे असे फोटो आहेत जे, रश्मिका-विजयने कधीही सोशल मीडियावर शेअर केलेले नाहीत. व्हिडिओमध्ये कार सेल्फीपासून ते हॉलिडे एन्जॉयपर्यंत सर्व सुंदर क्षण पाहायला मिळत आहेत. फोटोंमध्ये एकमेकांना मिठी मारताना, रोमँटिक पोज देताना दोघे दिसत आहेत. या व्हिडिओ पाहून असे बोले जात आहे की, विजय आणि रश्मिकाच्या संगीत नाइटला फोटोंमधून त्यांची प्रेमकथा सर्वांना सांगितली जाणार आहे. 25 फेब्रुवारीला रात्री शानदार संगीत सोहळा पार पडणार आहे.

रश्मिका मंदाना आणि विजय देवरकोंडा यांच्या लग्नाआधीच्या कार्यक्रमांना सुरूवात झाली असून मजा-मस्ती करतानाचे फोटो दोघांनी शेअर केले आहेत. पूल पार्टी आणि व्हॉलीबॉल सामन्यांपासून ते विरोश प्रीमियर लीगपर्यंत सर्व फोटो पाहायला मिळाले. 'विरोश' (VIROSH) चे चाहते त्यांच्या लग्नाची आतुरतेने वाट पाहत आहेत.