नॅशनल क्रश रश्मिका मंदानाचा (Rashmika Mandanna Birthday) ५ एप्रिलला वाढदिवस होता. रश्मिका आता 30 वर्षांची झाली आहे. लग्नानंतर रश्मिकाचा हा पहिलाच वाढदिवस होता. जो थाटामाटात साजरा झाला. अनेक वर्षे डेट करून रश्मिका आणि विजयने 26 फेब्रुवारीला उदयपूरमध्ये लग्नगाठ बांधली. आता रश्मिका मंदानाच्या वाढदिवसाच्या सेलिब्रेशनचे फोटो समोर आले आहेत. वाढदिवसानिमित्त रश्मिकाच्या वडीलांनी तिला एक खास सरप्राईज गिफ्ट दिले आहे.

रश्मिका मंदानाने वाढदिवस कूर्ग (कोडागु) येथे आपल्या कुटुंबासोबत साजरा केला. रश्मिका मंदाना आणि विजय देवरकोंडाने पाडी श्री इग्गुथप्पा मंदिरालाही भेट दिली. पाडी श्री इग्गुथप्पा मंदिर हे पाऊस आणि पिकांचे देवता भगवान सुब्रमण्यम यांना समर्पित असलेले एक पवित्र आणि प्राचीन मंदिर आहे. ज्याचे फोटो आणि व्हिडीओ सोशल मीडियावर तुफान व्हायरल झाले.

रश्मिकाचे सरप्राइज गिफ्ट

रश्मिकाच्या वाढदिवसानिमित्त तिच्या वडिलांनी तिला शहराच्या जवळ असलेला एक बंगला गिफ्ट केला आहे. ज्याचे नाव 'सेरेनिटी' (Serenity) असे आहे. रश्मिकाचे मूळ गाव विराजपेट आहे, जे कर्नाटक राज्यातील कोडागु जिल्ह्यातील एक शहर आहे. रश्मिकाच्या वडीलांनी लेकीसाठी खास कार्यक्रम आयोजित केला होता. ज्यात त्यांचे जवळचे नातेवाईक, मित्रमंडळी आणि कुटुंबिय पाहायला मिळाले.

रश्मिका मंदानाने वाढदिवसाला खूपच खास लूक केला होता. तिने पारंपरिक कोडवा साडी नेसली होती. (कोडवा साडीमध्ये महिला साडीच्या चुण्या पाठीमागे ठेवून नेसतात आणि साडीचा मोकळा पदर उजव्या खांद्यावर पिनने लावतात.) केसात गजरा, सोन्याचे दागिने घालून तिने हा लूक पूर्ण केला होता. रश्मिका आणि विजय दोघेही एकत्र खूपच छान दिसत होते.

वर्कफ्रंट

रश्मिका मंदाना लवकरच 'कॉकटेल २' मधून पुन्हा प्रेक्षकांच्या भेटीला येणार आहे. हा चित्रपट १९ जून २०२६ रोजी प्रदर्शित होणार आहे. रश्मिका मंदाना आणि विजय देवरकोंडा 'रणबाली' (Ranabaali) मध्ये एकत्र दिसणार आहेत. लग्नानंतर हा त्यांचा पहिला चित्रपट असणार आहे. हा चित्रपट 11 सप्टेंबर 2026 ला प्रेक्षकांच्या भेटीला येणार आहे. याआधी रश्मिका मंदाना आणि विजय देवरकोंडा 'गीता गोविंदम' आणि 'डिअर कॉम्रेड' यांसारख्या सुपरहिट चित्रपटांमध्ये दिसले होते.