बॉलिवूड अभिनेता रणबीर कपूर सध्या त्याच्या 'रामायण' चित्रपटामुळे चांगलाच चर्चेत आहे. अशात त्याने आपला आगामी आणखी एका प्रोजेक्ट बद्दल मोठी माहिती दिली आहे. 'लव्ह अँड वॉर' चित्रपटाची रिलीज डेट पुढे ढकलण्यात आली आहे. 'लव्ह अँड वॉर' चित्रपटात रणबीर कपूरसोबत आलिया भट्ट आणि विकी कौशल देखील मुख्य भूमिकेत झळकणार आहे.

रणबीर कपूरने शनिवारी त्याच्या ब्रँडच्या इन्स्टाग्राम लाइव्ह दरम्यान मोठा खुलासा केला. रणबीरने त्याच्या आगामी चित्रपटांबद्दल महत्त्वाचे अपडेट्स दिले आहेत. लाइव्ह सेशन दरम्यान, रणबीरने सांगितले की, त्याचा पुढचा चित्रपट 'रामायण' असेल. 'लव्ह अँड वॉर' हा चित्रपट 'रामायण' नंतर प्रदर्शित होईल.

खरंतर 'लव्ह अँड वॉर' चित्रपट ऑगस्ट 2026 मध्ये रिलीज होणार होता. मात्र आता 'लव्ह अँड वॉर'ची रिलीज डेट पुढे ढकलली आहे. 'रामायण' चित्रपटाचा पहिला भाग ऑक्टोबर 2026 च्या दिवाळीत प्रदर्शित होणार आहे. त्यामुळे 'लव्ह अँड वॉर' डिसेंबर 2026 किंवा थेट 2027 मध्ये रिलीज होऊ शकतो. मात्र अद्याप 'लव्ह अँड वॉर' चित्रपटाची नवीन रिलीज डेट समोर आली नाही.

'रामायण' नंतर 'लव्ह अँड वॉर' प्रदर्शित केल्याने चित्रपटाला अनेक फायदे होणार आहेत. चित्रपट स्पर्धेपासून वाचणार आहे. कारण याच दरम्यान दोन मोठे चित्रपट रिलीज होणार आहे. 19 मार्चला दोन मोठे चित्रपट बॉक्स ऑफिसवर तगडी टक्कर देताना दिसणार आहे. साऊथ अभिनेता यशचा 'टॉक्सिक' आणि रणवीर सिंहचा 'धुरंधर 2' सिनेमा या दिवशी रिलीज होत आहे. त्यामुळे 'लव्ह अँड वॉर'ने मोठ्या स्पर्धेपासून स्वतःला सुरक्षित केले आहे.

'लव्ह अँड वॉर' चित्रपट संजय लीला भन्साळी दिग्दर्शित आहे.'पिंकव्हिला'च्या रिपोर्टनुसार, चित्रपटाचा बराचसा भाग चित्रित करायचा आहे.चित्रपटात मोठ्या प्रमाणावर व्हीएफएक्स आणि एरियल ॲक्शन सीक्वेन्सचे काम बाकी असल्याने 'लव्ह अँड वॉर' चित्रपट 2027 मध्ये प्रदर्शित होऊ शकतो. 'लव्ह अँड वॉर' ही एक रोमँटिक लव्ह स्टोरी असल्याचे बोले जात आहे.