दाक्षिणात्य अभिनेते रजनीकांत यांनी वाढदिवशी आपल्या चाहत्यांना एक हटके गिफ्ट दिलं आहे. बहुचर्चित ‘लाल सलाम’ चित्रपटाचा सोशल मीडियावर प्रोमो रिलीज झाला आहे. ‘जेलर’नंतर रजनीकांत यांच्या दोन आगामी चित्रपटाची जोरदार चर्चा होत आहे. ‘लाल सलाम’ आणि ‘थलैवर १७०’ या दोन चित्रपटांचा प्रोमो रजनीकांतच्या वाढदिवशी रिलीज करण्यात आला आहे. सध्या सोशल मीडियावर या दोन्ही चित्रपटांची जोरदार चर्चा होताना दिसत आहे. (Actor)
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
ऐश्वर्या रजनीकांत दिग्दर्शित, ‘लाल सलाम’ची सध्या सोशल मीडियावर जोरदार चर्चा पाहायला मिळत आहे. चित्रपटाच्या प्रोमोने आणि अभिनेत्याच्या लूकमुळे चाहत्यांची उत्सुकता शिगेला पोहोचली आहे. कुर्ता आणि पायजमा असा लूक रजनीकांत यांचा पाहायला मिळत आहे. ॲक्शननेच चित्रपटाच्या प्रोमोची सुरुवात होते. रजनीकांत यांनी आपल्या खास शैलीमध्ये गुंडांची धुलाई करताना पाहायला मिळत आहे. त्यांच्या ह्या खास लूकनेच चाहत्यांचे लक्ष वेधले आहे. (Tollywood)
टीझरच्या शेवटी, गुंडांची धुलाई केल्यानंतर रजनीकांत टोपी घालून नमाज पठण करताना दिसत आहेत. नमाज पठाण करताना त्यांच्या इथे, कुराणही दिसत आहे. चित्रपट येत्या २०२४ मध्ये पोंगलच्या मुहूर्तावर जगभरामध्ये रिलीज होणार आहे. स्पोर्ट्स ड्रामा असलेल्या या चित्रपटामध्ये, सुपरस्टार रजनीकांत यांनी मोईदीन भाईचे पात्र साकारले. चित्रपटाच्या कथेचे लेखन आणि दिग्दर्शन रजनीकांत यांची लेक ऐश्वर्या रजनीकांत हिने केले आहे. चित्रपटामध्ये मुख्य भूमिकेत रजनीकांत यांच्यासोबत, विष्णु विशाल, विक्रांत, विग्नेश आणि जीविता हे स्टारकास्टही दिसत आहेत. (Entertainment News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.