पंजाबी संगीत क्षेत्रातून दु:खद घटना समोर आली आहे. प्रसिद्ध पंजाबी गायक हरमन सिद्धू याचा अपघाती निधन झालं आहे. सिद्धू याच्या मृत्यूने संपूर्ण संगीत क्षेत्रात शोककळा पसरली आहे. सोशल मीडियावर अनेक चाहते लाडक्या गायकाला श्रद्धांजली वाहत आहे. याचदरम्यान हरमनची मृत्यूआधीची पोस्ट चर्चेत आली आहे.

हरमन सिद्धूने सोशल मीडिया प्लॅटफर्म इन्स्टाग्रामवर १० ऑक्टोबर रोजी एक पोस्ट केली होती. हरमन एका तरुणीसोबत दिसत आहे. यात 'पेपर या प्यार' या गाण्यावर रील करताना दिसत आहे. गायकाच्या या पोस्टवर चाहत्यांनी भरभरून प्रेम व्यक्त केलं आहे. या पोस्टमध्ये चाहत्यांनी गायकाचं भरभरून कौतुक केलं आहे.

गायक हरमन सिद्धू याचा शुक्रवारी रात्री मृत्यू झाला. हरमनची कारने ट्रकला धकड दिली. या धडकेत हरमनचा जागीच मृत्यू झाला. हरमन रात्री उशिरा १२ वाजण्याच्या सुमारास त्याच्या गावी निघाला होता.

कुटुंबावर दु:खाचा डोंगर

अपघाताची माहिती मिळताच पोलीस घटनास्थळी पोहोचले. त्यांनी हरमनचा मृत्यूदेह ताब्यात घेतला. गायकाच्या निधनाने संपूर्ण कुटुंब आणि चाहत्यांवर दु:खाचा डोंगर कोसळला आहे. हरमनचं 'पेपर या प्यार' हे गाणं खूप गाजलं होतं.

'पेपर या प्यार' गाणं

'पेपर या प्यार' गाण्याला प्रचंड प्रेम मिळालं होतं. हरमनच्या चाहत्यांनी गाण्यावर हजारो रील्स देखील तयार केल्या होत्या. या गाण्यामुळे हरमन रातोरात प्रसिद्धी मिळाली. आजही अनेकांना हरमनचं ते गाणं आवडतं. अनेक जण त्याच्या या गाण्याचं कौतुक करताना दिसतात.