Mirzapur Season 3: सध्या प्रेक्षकांचा वेबसीरिज पाहण्याचा कल सर्वाधिक वाढला आहे. अनेक वेबसीरिजने प्रेक्षकांच्या मनात घर निर्माण केले आहे. त्यातीलच एक वेबसीरिज म्हणजे मिर्झापूर. मिर्झापूर या वेबसीरिजचा चाहतावर्ग देखील बराच मोठा आहे. आतापर्यंत या वेबसीरिजचे दोन भाग आले असून तिसरा भाग कधी येणार असा सर्वांनाच प्रश्न पडला होता. लवकरच आता या वेबसीरिजचा तिसरा भाग प्रेक्षकांच्या भेटीला येणार आहे.

दुसऱ्या सीझनने चाहत्यांना कथेच्या मध्यभागी सोडले आणि त्यांना आश्चर्यचकित केल्याने या सीरिजच्या तिसऱ्या सीझनसाठी प्रेक्षक फारच उत्सुक असल्याचं दिसत आहे. आता तिसऱ्या भागात काय होणार याची सर्वांनाच उत्सुकता आहे. कालीन भैय्या त्याच्या मुलाच्या खुनाचा बदला घेणार की गुड्डू भैय्या हाच ‘मिर्झापूर’चा राजा होणार? याविषयी सर्वांनाच कमालीची उत्सुकता आहे. प्रेक्षक आगामी भागात काय होणार या विषयी आपले वेगवेगळे अंदाज बांधत आहे.

नेमकं ‘मिर्झापूर’वर आता कोणाचं वर्चस्व असणार प्रेक्षक हे सर्व जाणून घेण्यासाठी फारच उत्सुक आहेत. मिळालेल्या माहितीनुसार या वेबसीरिजचे शूटिंग संपले असून सध्या पोस्ट प्रोडक्शनचे काम सुरू आहे.

त्यामुळे या वेबसीरिजचे निर्माते आणि प्राइम व्हिडिओ लवकरच या तिसऱ्या सीझनच्या प्रदर्शनाची तारीख जाहीर करण्याची शक्यता आहे. हा तिसरा सीझनसुद्धा अॅक्शन आणि ड्रामाने भरलेला असेल. यासोबतच सीरिजमध्ये काही जुनी कॅरेक्टरही प्रकाशझोतात येण्याची शक्यता आहे.

या वेबसीरिजचे चाहते बरेच असले तरी, तिसऱ्या सीझनवर बंदी घालण्याची याचिका मध्यंतरी न्यायालयात दाखल करण्यात आली होती. पण सर्वोच्च न्यायलयाने तिसऱ्या सीझनला स्थगिती देण्यास नकार दिला आहे.

या वेबसीरिजमधील चित्रित दृश्य, भाषा यामुळे तिसऱ्या सीझनवर बंदी घालण्याची मागणी करण्यात आली. मिर्झापूर येथील एका रहिवाश्यानेच ही याचिका दाखल केल्याचं स्पष्ट झालं होतं. पंकज त्रिपाठी, अली फझल, श्वेता त्रिपाठी, रसिका दुग्गल यांसारख्या कलाकारांनी या वेबसीरिजमध्ये उत्तम काम केलं आहे.