Tejaswini Lonari On Priya Marathe: अभिनेत्री तेजस्विनी लोणारी सध्या ‘तुझेच मी गीत गात आहे’ या मालिकेत महत्त्वाची भूमिका साकारत आहे. या मालिकेत सुरुवातीला ही भूमिका दिवंगत अभिनेत्री प्रिया मराठे यांनी साकारली होती. प्रियाच्या जाण्यानंतर तेजस्विनीला तिच्या जागी ही भूमिका साकारण्याची संधी मिळाली आणि त्याबद्दल तीने व्यक्त केलेल्या भावना अत्यंत हृदयस्पर्शी आहेत.

तेजस्विनी म्हणते, “प्रियाला रिप्लेस करताना मला प्रचंड ताण आला होता. खरं तर मी तिला स्वतः विचारलं होतं की तुला का रिप्लेस करत आहेत. तिने जेव्हा मला ते सांगितलं, तेव्हा माझ्या अंगावर शहारे आले. कारण ती या मालिकेतून कमबॅक करत होती. तिचं मराठी बोलणं, भूमिकेतील सहजता, तिचा स्क्रीन प्रेझेन्स हे सगळं अतिशय छान होतं. अशा अभिनेत्रीला रिप्लेस करणं हे माझ्यासाठी सोपं नव्हतं.”

तेजस्विनी पुढे म्हणली की, “प्रिया खूप सुंदर व्यक्ती होती. तिच्यासोबत माझं खूप छान नातं होतं. मला ती खूप आवडायची. तिच्या जाण्यानंतर ही भूमिका करताना मला नेहमी तिची आठवण येते. आजही या सगळ्या गोष्टी आठवल्या की मनात हळहळ निर्माण होते.”

प्रिया मराठेने वयाच्या केवळ ३८व्या वर्षी, ३१ ऑगस्ट २०२५ रोजी कर्करोगाशी झुंज देत जगाचा निरोप घेतला. तिच्या निधनानंतर तुझेच मी गीत गात आहे या मालिकेत ती साकारत असलेली मोनिका ही भूमिका तेजस्विनी लोणारीला देण्यात आली. प्रेक्षकांच्या मनात प्रियाची प्रतिमा कायम आहे आणि त्याच भावनिक पार्श्वभूमीवर तेजस्विनी ही भूमिका येत्या काळात छोट्या पडद्यावर साकारणार आहे.