Khesari On Pawan Singh Controversy: भोजपुरी स्टार पवन सिंह पुन्हा एकदा त्याच्या वैयक्तिक आयुष्यामुळे चर्चेत आला आहे. त्याची पत्नी ज्योती सिंगसोबतचा त्याचा वाद वाढत चालला आहे. "राईज अँड फॉल" या शोमध्ये येण्यापूर्वीच दोघांमध्ये भांडणे सुरू होती. लखनौमध्ये पवन सिंगला भेटल्यानंतर परिस्थिती आणखी चिघळली आहे. कारण यावेळी अभिनेता तिला भेटला तर नाहीचं पण, तिला घेऊन जाण्यासाठी पोलिसांना बोलावले होते. त्यामुळे ज्योती सिंगने पुन्हा एकदा आत्महत्या करणार असल्याचे सांगितले आहे. आता या प्रकरणावर अभिनेता खेसारी लाल यादवची प्रतिक्रिया व्हायरल होत असून तो पवन सिंगच्या पत्नीला पाठिंबा देताना दिसला आहे.

दोन दिवसांपूर्वीच ज्योती सिंगने इंस्टाग्रामवर पोस्ट केले होते यामध्ये तिने स्पष्टपणे म्हटले होते की ती पवन सिंगला भेटण्यासाठी त्याच्या लखनौच्या घरी गेली,पण तिला घरी येण्यास नाकारण्यात दिला. ज्योतीने एक व्हिडिओ बनवला यामध्ये पोलिस तिथे उपस्थित असल्याचे दाखवले आणि पवन सिंगने तिच्याविरुद्ध एफआयआर दाखल केल्याचेही उघड केले.

या घटनेनंतर अभिनेता खेसारी लाल यादव यांचा एक व्हिडिओ व्हायरल होत आहे. त्यात ते म्हणाले, "माझ्या वहिनीचा गुन्हा इतका गंभीर नाही. जर तुम्ही इतक्या लोकांना माफ करू शकता तर कृपया तिलाही माफ करा." ते पुढे म्हणाले, "आम्हाला आपल्या घरी भाचा यावा असे वाटतं. ती माझी बहीण नाही तर एक मुलगी आहे. जेव्हा मी तिच्याकडे माझ्या मुलीच्या दृष्टिकोनातून पाहतो तेव्हा मला वाटते, 'जर माझ्या मुलीसोबत असे घडले असते तर...'" एखादी व्यक्ती किती खालच्या पातळीवर जाऊ शकते. मला माझ्या वहिनींची दया येते.

खेसारी लाल यादव म्हणाला, "जर तिचा गुन्हा इतका गंभीर असेल तर तुम्ही पुढे येऊन माध्यमांसमोर बोलले पाहिजे. मला पवन सिंग खूप आवडतो, पण मी त्याच्या चुका लपवू शकत नाही. मी त्याचा चापलूस नाही आणि मी त्याची प्रशंसाही करत नाही. पवन सिंग माझे घर चालवत नाही जेणेकरून मी म्हणू शकेन की तुम्ही चांगले काम करत आहात. नाही, तुम्ही अजिबात योग्य काम करत नाही आहात. जे चुकीचे आहे ते चुकीचे आहे."

पवन सिंगच्या पत्नीचा एक व्हिडिओ व्हायरल झाला आहे. पवन सिंगच्या पत्नीने इंस्टाग्रामवर शेअर केलेल्या व्हिडिओमध्ये ती खूप रडत होती. ती म्हणाली, "माझा खूप अपमान होत आहे. त्यांनी मला वेडा बनवले आहे. मी स्वतःचा जीव देईन. मी याच घरात मरेन." तिने पोलिस स्टेशनमध्ये जाण्यासही नकार दिला आणि म्हटले, "जर मी मेले तर मी इथेच मरेन."