Palash Muchhal: गायिका पलक मुच्छलचा भाऊ आणि संगीतकार-दिग्दर्शक पलाश मुच्छल पुन्हा एकदा त्याच्या वैयक्तिक आयुष्यामुळे चर्चेत आला आहे. भारतीय क्रिकेटपटू स्मृती मंधानाशी त्याचे लग्न तुटल्याच्या बातम्यांनंतर, एका मराठी अभिनेत्याने आणि स्मृतीच्या बालमित्राने अलीकडेच त्याच्याबद्दल धक्कादायक दावे केले आहेत.

मराठी अभिनेता विज्ञान मानेने पलाश मुच्छलवर ४० लाखांची फसवणूक केल्याचा आरोप केला आणि नंतर स्मृती मंधानावर फसवणूक केल्याचा आरोप केला. विज्ञान माने हा क्रिकेटपटू स्मृतीचा जवळचा मित्र असल्याचे सांगितले जाते. त्याच्या धक्कादायक विधानानंतर, पलाशने आता एक मोठे पाऊल उचलले आहे.

पलाश मुच्छलने आरोप खोटे ठरवले

पलाश मुच्छलने विज्ञान माने याच्याविरुद्ध १० कोटी रुपयांचा मानहानीचा दावा दाखल केला आहे. अभिनेत्याने सोशल मीडिया पोस्टमध्ये हे आरोप खोटे असल्याचे सांगत फेटाळून लावले. पलाशने त्याच्या इंस्टाग्राम स्टोरीवरील म्हटले आहे की, "माझी प्रतिष्ठा आणि चारित्र्य खराब करण्याच्या हेतूने खोटे आणि अत्यंत बदनामीकारक आरोप केल्याबद्दल माझे वकील श्रेयांश मिठारी यांनी सांगलीतील विज्ञान माने यांना १० कोटी रुपयांची कायदेशीर नोटीस पाठवली आहे."

पलाश मुच्छलवर कोणते आरोप लावण्यात आले?

प्रथम, विज्ञान मानेने पलाश मुच्छलवर फसवणुकीचा आरोप केला, असा दावा केला की पलाशने चित्रपट बनवण्यासाठी त्याच्याकडून ४० लाख रुपये घेतले होते. परंतु त्याने ते परत मागितल्यावर कोणताही प्रतिसाद मिळाला नाही. त्यानंतर त्यांनी हिंदुस्तान टाईम्सला दिलेल्या मुलाखतीत पलाशवर धक्कादायक आरोप केले. विज्ञान माने म्हणाला, "मी एका लग्न समारंभात होतो (२३ नोव्हेंबर २०२५) तो दुसऱ्या महिलेसोबत बेडवर रंगेहाथ पकडला गेला. ते एक भयानक दृश्य होते, भारतीय महिला क्रिकेटपटूंनी त्याला मारले. त्याच संपूर्ण कुटुंब चोर आहे. मला वाटले होते की तो लग्न करेल आणि सांगलीत स्थायिक होईल, परंतु असं झालं नाही."