क्रिकेटपटू स्मृती मानधनासोबतचे लग्न मोडल्यानंतर पलाश मुच्छलला ट्रोलिंगचा सामना करावा लागला. मात्र आता पलाश आपल्या आयुष्यात पुढे गेला आहे. सध्या तो एक नवीन प्रोजेक्टवर काम करताना दिसणार आहे. लग्न मोडल्यानंतर त्याला मोठी कामाची संधी मिळाली आहे. पलाश मुच्छल चित्रपटसृष्टीत एक नवीन जबाबदारी स्वीकारायला सज्ज झाला आहे.

पलाश मुच्छल आता चित्रपट दिग्दर्शित करणार आहे. पलाश मुच्छल एका मराठमोळ्या अभिनेत्याचा चित्रपट दिग्दर्शित करणार आहे. हा अभिनेता दुसरा-तिसरा कोणी नसून श्रेयस तळपदे आहे. श्रेयस तळपदे मुख्य भूमिकेत असलेला चित्रपट पलाश दिग्दर्शित करेल. चित्रपटाचे नाव अद्याप निश्चित झालेले नाही. मात्र चित्रपटात श्रेयस तळपदे common man ची भूमिका साकारणार असल्याचे बोले जात आहे.

चित्रपट समीक्षक तरण आदर्श यांनी सोशल मीडियावर पोस्ट करून ही माहिती प्रेक्षकांना दिली आहे. त्याने लिहिलं की, "पलाश मुच्छलच्या पुढील चित्रपटात श्रेयस तळपदे मुख्य भूमिका साकारणार आहे. चित्रपटाची कथा मुंबईत घडणार आहे आणि श्रेयस एका सामान्य माणसाची भूमिका साकारणार आहे." यामुळे श्रेयस तळपदेच्या चाहत्यांना चित्रपटाची उत्सुकता लागली आहे. श्रेयसच्या दमदार अभिनयाचे चाहते दिवाने आहेत. श्रेयस तळपदेने मराठीसोबत हिंदीतही चांगले काम केले आहे.

पलाश मुच्छल हा एक उत्तम गायक, संगीतकार आणि दिग्दर्शक आहे. त्याने 'भूतनाथ रिटर्न्स' सारख्या चित्रपटांसाठी संगीत दिले आहे आणि अनेक लोकप्रिय गाणी देखील लिहिली आहेत. पलाशच्या नवीन चित्रपटाचे चित्रीकरण लवकरच सुरू होणार आहे. मात्र अद्याप चित्रपटाचे शीर्षक, इतर कलाकारांची नावे आणि प्रदर्शन तारीख समोर आली नाही.