Pakistani TikToker Imsha Rehman: काही दिवसांपूर्वी पाकिस्तानी टिकटॉक स्टार इम्शा रहमानचा खाजगी व्हिडीओ लीक झाला होता. याबद्दल सोशल मिडीयावर मोठा गदारोळ झाला आणि नेटकऱ्यांनी तिला खूप फटकारले. आता इम्शाने तो बनावट व्हिडीओ असल्याचे म्हटले. असे असूनही, लोकांची टीका करणे थांबले नाही आणि त्याला कंटाळून ती गेल्या वर्षी नोव्हेंबरमध्ये सोशल मिडीयापासून दूर झाली. तिने तिचे सोशल मिडीया अकाउंट बंद केले आणि गायब झाले.

प्रसिद्ध टिकटोकरने आता एका मुलाखती दिली आहे. ती पुन्हा म्हणाली की तो व्हिडीओ बनावट आहे. या घटनेमुळे तिच्या आयुष्यावर कसा परिणाम झाला याबद्दलही इम्शाने सांगितले. तिने खुलासा केला की पाकिस्तानच्या संघीय तपास संस्थेने बनावट व्हिडीओची चौकशी केली आहे. याप्रकरणी एका व्यक्तीला अटकही करण्यात आली आहे. नोव्हेंबरनंतर ३० जानेवारी रोजी इम्शा रहमान पहिल्यांदाच लोकांसमोर आली होती. या मुलाखतीत, तरुण टिकटोकरने फेस मास्क आणि हुडी घातली होती.

'खोटे व्हिडिओ बनवणे चांगले नाही'

इम्शा रहमान म्हणाली, 'मी व्हिडीओ पाहिला. मला असं वाटलं की माझं आयुष्य संपलं. मी विद्यापीठात जाऊ शकत नाही. मी लोकांना तोंड देऊ शकत नाही. मला अनेकांकडून जीवे मारण्याच्या धमक्या आल्या आहेत. मुलाखतीत इम्शाने बनावट व्हिडीओ बनवणाऱ्यांवर जोरदार टिकाही केल्या.

ती म्हणाला, 'काही लोकांना बनावट व्हिडीओ बनवणे आणि ते ऑनलाइन पोस्ट करणे छान वाटते.' पण त्यांना हे माहित नसते की त्यामुळे त्या व्यक्तीच्या जीवनावर किती गंभीर परिणाम होतो. ती म्हणाली की व्हिडीओ व्हायरल झाला तेव्हाही मी स्पष्टीकरण देऊ शकले असते पण मी कायदेशीर मार्ग निवडला. मला प्रथम हे करणाऱ्या व्यक्तीला शिक्षा करायची होती.