अमेरिकेच्या लॅास एंजिलेसमध्ये काल ऑस्कर पुरस्करा सोहळा पार पडला. यामध्ये ऑस्कर विजेत्यांची घोषणा करण्यात आली. वेगवेगळ्या श्रेणीतील विजेत्यांची नावे जाहीर करण्यात आली. परंतु यामध्ये भारताचा ऑस्कर पुरस्कार जिंकण्याचं स्वप्न पुन्हा एकदा भंग झालं.

२०२३ मध्ये 'द एलिफेंट विस्पर'साठी ऑस्कर अवॅार्ड जिंकणारी भारतीय फिल्म प्रोड्यूसर गुनीत मोंगा यांचा 'अनुजा' हा चित्रपट या वर्षीच्या ऑस्कर अवॅार्डसाठी नामांकित झाला होता. या चित्रपटाला लाईव्ह अॅक्शन चित्रपट श्रेणीमध्ये नामांकन मिळाले होते. परंतु हा चित्रपट ऑस्कर अवॅार्ड जिंकू शकला नाही. सर्वोत्कृष्ट चित्रपटाच्या शर्यतीत आय एम नॅाट अ रोबोटने अनुजा चित्रपटाला मात देत ऑस्कर अवॅार्ड जिंकला.

फिल्म प्रोड्यूसर गुनीत मोंगासह, बॅालिवूडसह हॅालिवूड गाजवणारी प्रियंका चोप्राचे देखील या चित्रपटासोबत खास नातं आहे. प्रियांका चोप्रा ही 'अनुजा' या भारतीय-अमेरिकन चित्रपटाची एक्जिक्यूटिव्ह प्रोड्यूसर म्हणजेच चित्रपटाची कार्यकारी निर्माती आहे. अनुजा दिल्लीतील एका ९ वर्षांच्या मुलीची कथा आहे. हा चित्रपट अॅडम जे. ग्रेव्हज यांनी दिग्दर्शित केला आहे. अनुजा ही एक शॅार्ट फिल्म म्हणजेच लघुपट आहे. या लघुपटाची कथा एका ९ वर्षांच्या मुलीभोवती फिरते. ही ९ वर्षांची मुलगी तिच्या मोठ्या बहिणीसोबत एका कारखान्यात काम करते. मुलीला तिच्या अभ्यासादरम्यान काम करावे लागते.

चित्रपटात दाखवले आहे की, एका ९ वर्षांच्या मुलीला बोर्डिंग स्कूलमध्ये शिकण्याची सुवर्णसंधी मिळते. पण जेव्हा मुलगी एक निर्णय घेते ज्यामुळे तिचे आणि तिच्या बहिणीचे जीवन बदलते तेव्हा कथेला एक मनोरंजक वळण मिळते. या मुलीची भूमिका सजदा पठाणने साकारली आहे. सजदा २०२३ च्या 'द ब्रेड' या फीचर फिल्ममध्येही दिसली होती.

लाईव्ह अ‍ॅक्शन शॉर्ट मूव्ही श्रेणीमध्ये 'अनुजा' सोबत, 'अ लिएन', 'आयम नॉट अ रोबोट', 'द लास्ट रेंजर' आणि 'अ मॅन हू कुड नॉट रिमेन सायलेंट' सारखे उत्तम चित्रपट शर्यतीत होते. अन्य चित्रपटांना मागे टाकत 'आय नॉट अ रोबोट' ने यंदाचा ऑस्कर अवॅार्ड जिंकला.