Nimrit Kaur Ahluwalia : 'छोटी सरदारनी' या मालिकेतील प्रसिद्ध अभिनेत्री आणि 'बिग बॉस १६' मधील स्पर्धक निमृत कौर अहलुवालियाने नुकत्याच दिलेल्या एका मुलाखतीत तिच्या आयुष्यातील एक अत्यंत वेदनादायक अनुभव शेअर केला आहे. त्या फक्त १९ वर्षाची असताना, सुप्रीम कोर्टाच्या परिसरात, एका वकिलाने तिच्यासोबत अश्लील वर्तन केल्याचे उघड केले. या घटनेचा उल्लेख करताना, निमृत भावुक झाली आणि सांगितले की, "कोर्टात सुनावणी सुरू असताना, लोकांनी भरलेल्या खोलीत, कोणीतरी माझ्या मागील भागावर हात लावला."

सुप्रीम कोर्टासारख्या सर्वोच्च न्यायालयात अशा प्रकारची घटना घडल्याने तिला मोठा धक्का बसला आहे. तिने या घटनेचा उल्लेख करताना सांगितले की, "माझ्या आयुष्यातील हा एक असा क्षण होता, जेव्हा मला स्वतःला अत्यंत असुरक्षित आणि लाचार वाटले." या अनुभवामुळे तिच्या मानसिक आरोग्यावरही परिणाम झाला होता.

या घटनेनंतर, निमृतने मानसिक आरोग्याच्या समस्यांचा सामना केला.ती 'बिग बॉस' शोमध्येही या विषयावर खुलेपणाने बोलली आणि सांगितले की, "मी एका वर्षापासून औषधोपचार घेत आहे आणि अजूनही पूर्णपणे बरी झालेले नाही." तिने असेही नमूद केले की, शोच्या निर्मात्यांनी तिला आश्वासन दिले होते की, त्यांच्या मानसिक आरोग्यावरील चर्चा प्रसारित केली जाणार नाही, परंतु ती प्रसारित झाली आणि तिला हा विश्वासघात वाटला.

निमृत कौर अहलुवालियाची ही धक्कादायक कहाणी समाजात लैंगिक छळाच्या घटनांबद्दल जागरूकता वाढवते. सुप्रीम कोर्टासारख्या प्रतिष्ठित ठिकाणीही अशा घटना घडू शकतात, हे दर्शवते की, महिलांच्या सुरक्षेसाठी केवळ कायदे पुरेसे नाहीत, तर समाजातील मानसिकतेतही बदल आवश्यक आहे.