'बिग बॉस मराठी 5'चा (Bigg Boss Marathi 5) ग्रँड फिनाले (Bigg Boss Grand Finale ) काही तासांवर येऊन ठेपला आहे. कोण होणार या पर्वाचा विजेता याकडे प्रेक्षकांचे लक्ष लागून आहे. बिग बॉसच्या ग्रँड फिनालेला घरातील सदस्यांचा देखील एक अनोखा अंदाज पाहायला मिळणार आहे. घरातील सदस्य तुफान डान्स करताना दिसणार आहेत.

सध्या निक्की (Nikki Tamboli ) आणि जान्हवीचा (Jahnavi Killekar) जबरदस्त डान्स पाहून चाहते घायाळ झाले आहेत. त्यांच्या दिलखेचक अदांनी ग्रँड फिनालेच्या मंचावर चांगलीच रंगत आणली आहे. जान्हवी आणि निक्की या दोघीपण 'बिग बॉस मराठी'च्या घरातील धाकड गर्ल आहेत.

'आज की रात...' या गाण्यावर जान्हवी आणि निक्की भन्नाट डान्स करतात. जान्हवी बिग बॉसच्या घरात सुरुवातीपासूनच आपली मते ठामपणे मांडताना दिसली तर निक्कीने बिग बॉसच्या घरात पहिल्या दिवसापासून राडा करताना पाहायला मिळाली. तसेच निक्की आणि अरबाजच्या जोडीने बिग बॉसचे यंदाचे पर्व खूप गाजवले आहे. तसेच निक्की आणि जान्हवीमध्ये ही अनेक वेळा टोकाचे वाद झालेले पाहायला मिळाले आहे. आता या दोघींपैकी बिग बॉसची ट्रॉफी कोण जिंकणार हे पाहणे मनोरंजक ठरणार आहे.

'बिग बॉस मराठी' यंदाच सीझन ब्लॉकबस्टर ठरलं आहे. आज (6 ऑक्टोबर ) रोजी संध्याकाळी 6 वाजल्यापासून बिग बॉसचा धमाका पाहायला मिळणार आहे. कोण जिंकणार 'बिग बॉस मराठी 5' ची ट्रॉफी याकडे प्रेक्षकांचे लक्ष लागून आहे.