Nawazuddin Wife Aaliya Shares Photo With Mystery Man: बॉलिवूड अभिनेता नवाजुद्दीन सिद्दीकी आणि पत्नी आलिया सिद्दीकी गेल्या काही महिन्यांपासून कमालीचे चर्चेत आहे. अनेक वाद झाल्यानंतर नवाजुद्दिनने त्याच्याकडून मानहानीचा खटला मागे घेणार असल्याची माहिती दिली. गेल्या काही दिवसांपुर्वी नवाजुद्दिनची पत्नी आलियाने सोशल मीडियावर एका मिस्ट्री मॅनसोबतचा फोटो शेअर केला होता. ज्यामध्ये ती मिस्ट्री मॅनसोबत दिसत होती. या व्हिडिओनंतर सतत नेटकऱ्यांनी तिला ‘ही व्यक्ती कोण आहे?’ असा प्रश्न विचारला होता. आता आठवडाभरानंतर आलिया सिद्दीकीने प्रतिक्रिया दिली आहे. त्याची ओळख अखेर तिने सोशल मीडियावर सांगितली आहे.

आलिया सिद्दीकीने एका इंग्रजी संकेतस्थळाला दिलेल्या मुलाखतीत तिने सांगितले की, तो दुबईत राहतो आणि आयटी क्षेत्रात कामाला आहे. त्या व्यक्तीसोबतच्या नात्याबाबतही त्यांनी खुलासा केला. तिने सांगितले की, नवाजुद्दीन सिद्दीकीसोबत ब्रेकअप होण्याचे कारण मी नाही.

आलिया सिद्दीकी मुलाखतीत म्हणते, दोघेही एका वर्षापूर्वी एका कॉमन फ्रेंडमुळे भेटले होतो, त्याच्यापासूनच आमची ओळख झाली होती. जेव्हा माझा वाईट काळ सुरू होता, त्यावेळी तो माझा भावनिक आधारस्तंभ बनला होता. आम्ही दोघेही एकमेकांना आपली मातृभाषा शिकवत आहोत. तो मला फ्रेंच आणि इटालियन भाषा शिकवतोय तर मी त्याला हिंदी भाषा शिकवत आहे.

हा व्हिडीओ व्हायरल झाल्यावर आलिया सिद्दीकीने प्रतिक्रिया दिली की, “जर मी आनंदित आहे तर लोकं माझ्या चारित्र्यावर प्रश्न कसे विचारू शकतात. मी दोन वर्षांपूर्वी घटस्फोटाची केस न्यायालयात दाखल केली होती. माझा चांगला मित्र मला एक वर्षांपूर्वी भेटला होता. अशा परिस्थितीत तो त्यांचे लग्न मोडण्याचे कारण कसे बनू शकतो. आमचा घटस्फोटाचा खटला अजूनही सुरू आहे. गेली १९ वर्षे मी संघर्ष करत आहे. मी मानसिकदृष्ट्या थकलेय. आता मी मला बदलणार आहे.

नवाजुद्दीन सिद्दीकी आणि आलिया सिद्दीकीचे प्रकरण न्यायाप्रविष्ठ आहे. दोघांनीही एकमेकांवर आरोप- प्रत्यारोप केले आहे. आलियाने अभिनेत्यावर बलात्काराचा आरोपही केला होता, त्यानंतर नवाजुद्दीनने तिच्यावर मानहानीचा खटला दाखल केला होता.

नवाजुद्दीन सिद्दीकी आणि आलिया सिद्दीकीचे प्रकरण न्यायालयात असल्याची माहिती आहे. दोघांनी एकमेकांवर चिखलफेक केली. आलियाने अभिनेत्यावर बलात्काराचा आरोपही केला होता, त्यानंतर नवाजुद्दीनने तिच्यावर मानहानीचा खटला दाखल केला होता.