छोट्या पडद्यावरील बालकलाकार मायरा वायकूळ सर्वांच्याच परिचयाची आहे. मायरा वायकूळ आगामी काळात रूपेरी पडद्यावर एका नवीन चित्रपटातून प्रेक्षकांच्या भेटीला येणार आहे. सध्या या चित्रपटाचं प्रमोशन सुरू आहे. याचदरम्यानची मायराची मुलाखत सोशल मीडियावर व्हायरल होत आहे.

मायराने अत्यंत कमी वयात तिचा प्रेक्षकवर्ग निर्माण केला आहे. अभिनय असो की तिचा हजरजबाबीपणा मायरा नेहमीच ओळखली जाते. मायराने लहान वयातच तिच्या कौशल्यामुळे माझी तुझी रेशीमगाठ या मालिकेत काम केले. या मालिकेत तिने साकारलेली परी ही व्यक्तीरेखा सर्वांनाच भावली. आजही मायरा परी या नावाने ओळखली जाते.

नुकत्याच दिलेल्या एका मुलाखतीत मायराला अनेक प्रश्न विचारण्यात आली. गोंडस आणि हुशार मायराने या सर्वच प्रश्नांची उत्तर दिली. यामध्ये मायराला तुला भविष्यात कोणत्या कलाकारसोबत काम करायचंय असा प्रश्न विचारण्यात आला यावर मायराने सांगितलं की मला बॉलिवूड अभिनेता सलमान खान सोबत काम करायचं आहे. यानंतर तु अभिनेता सलमान खानला भेटली आहे का असं विचारण्यात आलं यावर मायराने मी अजूनही सलमान खानला भेटली नसल्याचं सांगितलं आहे. मायराने तिला बॉलिवूडचा सुपरस्टार सलमान खानसोबत काम करण्याची इच्छा व्यक्त केली आहे.

बालकलाकार मायराचा मुक्काम पोस्ट देवाचं घर हा सिनेमा आज प्रदर्शित होणार आहे. या चित्रपटात मायराची भूमिका मुख्य आहे. चित्रपटाचे दिग्दर्शक संकेत माने यांनी केलं आहे. चित्रपटात मायरा वायकूळसह मंगेश देसाई, कल्याणी मुळे, प्रथमेश परब, रेशम श्रीवर्धन, सविता मालपेकर, उषा नाडकर्णी, माधवी जुवेकर, स्पृहा परब, पूजा सांवत ही कलाकार मंडळी देखील आहे.