Nirmal Mukherjee Death: 'अशी चिकमोत्याची माळ' हे गाणं संगीतबद्ध केलेले संगीतकार निर्मल मुखर्जी यांचे निधन झाले आहे. बुधवारी पहाटे हिरानंदानी रुग्णालयात त्यांनी अखेरचा श्वास घेतला. मृत्यूवेळी त्यांचे वय ७१ वर्ष होते. निर्मल मुखर्जी विविध पाश्चिमात्य वाद्यांवर उत्तम पकड होती.

मंगळवारी त्यांना हृदयविकाराचा झटका आल्याने त्यांना रुग्णालयात दाखल करण्यात आले होते. बुधवारी पहाटे त्यांचे निधन झाले. त्यांच्या मागे पत्नी, एक मुलगा आणि दोन मुली असा परिवार आहे. मुंबईतील साकीनाका येथील स्मशानभूमीत त्यांच्या पार्थिवावर अंत्यसंस्कार करण्यात येणार आहेत.

निर्मल मुखर्जी यांचे वडील चित्रपट निर्माते होते. दादर येथील त्यांचा मालकीच्या हॉलमध्ये अनेक संगीतकार आणि वादक सरावासाठी येत असते. या वातावरणाचा परिणाम निर्मल यांच्यावर झाला. एवढ्या वयाच्या १४ व्या वर्षी ते म्युझिक असोसिएशनचे सदस्य झाले.

बॉन्गो, काँगो, तुंबा, दबुरका, डी- जेंबे विविध वाद्यांवर त्यांची हुकूमत होती. पंधरा हजाराहून जास्त गाण्यात त्यांचा सहभाग होता. हिंदीसह त्यांनी बंगाली आणि मराठी गाण्यांसाठी त्यांनी संगीतकार आणि वादक म्हणून काम केले.