Salman Khan: तेरे नाममधील हेअर स्टाईल असो किंवा वॉन्टेडमधील भाईगिरी असो बॉलिवूडच्या भाईजानने प्रत्येक भूमिकेतून चाहत्यांची मने जिंकली आहेत. सलमान खानच्या प्रत्येक स्टाईलचे, त्याच्या सिक्स पॅकचे असंख्य चाहते जगभरात पाहायला मिळतात. म्हणूनच सलमान खानला मेगास्टार म्हणून ओळखले जाते. आज ( 27 डिसेंबर) बॉलिवूडच्या भाईजानचा 57 वा वाढदिवस. जाणून घेवूया सलमान खानचा सिनेप्रवास. (Salman Khan Birthday)
सलमान खान हा हिंदी सिने जगतातील सर्वात यशस्वी आणि लोकप्रिय अभिनेता म्हणून ओळखला जातो. आपल्या दमदार अभिनयाने आणि एकापेक्षा एक आव्हानात्मक भूमिका साकारत सलमान खानने बॉलिवूडमध्ये स्वतःची एक वेगळी ओळख निर्माण केली आहे. २७ डिसेंबर १९६० मध्ये जन्मलेला सलमान खान भलेही आज बॉलिवूडमधील सर्वाधिक मानधन घेणारा अभिनेता असेल परंतु त्याची पहिली कमाई ऐकून तुमचाही विश्वास बसणार नाही.
इतकी होती भाईजानची पहिली कमाई
आपल्या पहिल्या कमाईबद्दल सलमान खानने एका मुलाखतीत बोलताना खुलासा केला होता. यावेळी त्याने सांगितले की, त्याची पहिली कमाई फक्त ७५ रुपये होती. मुंबईमधील ताज हॉटेलमधील एका कार्यक्रमात सलमानने बॅकडान्सर म्हणून काम केले होते. ज्यासाठी त्याला ७५ रुपये देण्यात आले होते.
परंतु बॉलिवूडमध्ये (Bollywood) मैने प्यार क्यूं किया या चित्रपटातून पदार्पण करणाऱ्या सलमानचा पहिलाच चित्रपट हिट ठरला. यासाठी त्याला ३१ हजार इतके मानधन मिळाले होते. यानंतर एकापाठोपाठ एक हिट चित्रपट देणारा भाईजान बॉलिवूडमधील सर्वाधिक मानधन घेणारा अभिनेता म्हणून ओळखला जाऊ लागला.
ट्रेंड सेटर सलमान खान- बॉलिवूडचा भाईजान सलमान खानची प्रत्येक नवी गोष्ट त्याच्या चाहत्यांसाठीच नव्हेतर बॉलिवूडमध्येही स्टाईल म्हणून ओळखली जाते. सिक्स पॅकसाठी, दमदार बॉडीसाठी ओळखल्या जाणाऱ्या सलमान खाननेच सिक्स पॅकचा ट्रेंड बॉलिवूडमध्ये रुजू केला. तसेच शर्टलेस स्टाईलही सलमान खानमुळेच बॉलिवूडमध्ये सुरू झाली.
सलमान खान बॉलिवूडमधील यशस्वी अभिनेता तर आहेच त्याचसोबत तो उद्योगपतीही आहे. सलमान खान त्याची एसकेएफ नावाची स्वतःची निर्मीती संस्था चालवतो. त्याचबरोबर सलमान खानचा बेईंग ह्यूमन नावाचा स्वतःचा बॅंन्डही आहे ज्यामधून तो कोट्यवधींची कमाई करतो.
दरम्यान , सलमान खानने बॉलिवूडमध्ये मैंने प्यार किया, साजन, हम आपके हैं कौन, करण-अर्जुन, जुड़वा, प्यार किया तो डरना क्या. दबंग, बॉडीगॉर्ड, एक था टाइगर, बजरंगी भाईजान अशा दमदार चित्रपटांमध्ये काम केले आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.