Marathi Movie Teaser Out: पाहिलं प्रेम खास असतं. पण ते प्रत्येकाच्या आयुष्यात येत असं नाही आणि जर आलंच त ते मिळतच असं नाही. पण हे पहिले प्रेम कायम लक्षात राहतं. याच पहिल्या प्रेमाची आठवण करून देण्याचा प्रयत्न "गेट टुगेदर" या मराठी चित्रपटात करण्यात आला आहे.

या चित्रपटाचा नॉस्टेल्जिक करणारा टीजर नुकताच प्रदर्शित झाला आहे. उत्तम स्टारकास्ट या चित्रपटात तुम्हाला दिसणार आहे. येत्या १९ मे पासून संपूर्ण महाराष्ट्रात हा चित्रपट प्रदर्शित होणार आहे.

सतनाम फिल्म्स प्रस्तुत गेट टुगेदर या चित्रपटाची निर्मिती समीर गोंजारी, संजय गोंजारी, आशिष धोत्रे यांनी केली आहे. चित्रपटाची पटकथा, लेखन आणि दिग्दर्शन सचिन धोत्रे, तर कथा आणि संवाद लेखन प्रवीण कुचेकर यांनी केले आहे. अजय रणपिसे यांनी चित्रपटाला संगीत दिलं असून सुप्रसिद्ध गायक शंकर महादेवन, जावेद अली गायिका आर्या आंबेकर, प्रियांका बर्वे यांनी चित्रपटातली सुमधुर गाणी गायली आहेत.

पावसाळी वातावरणात एकांतात असलेलं जोडपं टीझरमध्ये दिसतं आणि पहिल्या प्रेमाची आठवण करून देणाऱ्या संवाद ऐकू येतो. भर पावसात बाईक पार्क करून आडोशाला अंधारात हे जोडपं उभं असतं. तर मागून बॅकग्राऊंड व्हॉइस आहे. टीझरमध्ये तुम्हाला संपूर्ण चित्रपटाचे कथानक स्पष्ट होते. टीझर पाहून चित्रपटाची काय असेल? याविषयीची उत्सुकता निर्माण होईल. (Latest Entertainment News)

"देवमाणूस" या गाजलेल्या मालिकेतील एकनाथ गिते, अॅटमगिरी, वाघेऱ्या अशा चित्रपटात काम केलेली श्रेया पासलकर, पुण्यश्लोक अहिल्याबाई या मालिकेतील त्रिशा कमलाकर यांच्या या चित्रपटात प्रमुख भूमिका आहेत. (Marathi Movie)