ज्येष्ठ महिन्याच्या पौर्णिमेला वटपौर्णिमा साजरी केली जाते. आजच्या दिवशी पतीला दिर्घायुष्य लाभण्यासाठी महिला वडाच्या झाडाची पूजा करतात. हा सण संपूर्ण राज्यात साजरा केला जात आहे. सेलिब्रिटी मंडळीही हा सण साजरा करताना दिसत आहे.

अनेक सेलिब्रिटी कपल्ससाठी ही आजचा सण खूप खास आहे. २०२४ वर्षाच्या सुरुवातीला इंडस्ट्रीतील अनेक सेलिब्रिटींनी लग्नगाठ बांधली आहे. यामध्ये इंडस्ट्रीतील कलरफुल अभिनेत्री पूजा सावंत हिची ही पहिलीच वटपौर्णिमा आहे. सध्या अभिनेत्री लग्नानंतरची पहिली वटपौर्णिमा साजरा करीत आहे.

सध्या पूजा भारतात आहे. पूजाने लग्नाच्या नंतरचा पहिला गुढीपाडवा सणही तिने सेलिब्रेट केला होता. आता अभिनेत्रीने वटपौर्णिमा सण साजरी केला आहे. पूजाने तिच्या पहिल्या वटपौर्णिमेची झलक इन्स्टाग्रामवरही शेअर केलेली आहे.

पूजाचा नवरा सिद्धेश जरीही ऑस्ट्रेलियात असला तरीही पूजाने तिची पहिली वटपौर्णिमा भारतात साजरी केली आहे. पूजाने इन्स्टाग्रामवर फोटो शेअर करत असताना, ‘पहिली वटपौर्णिमा... सिद्धेश आज तुझी खूप आठवण येतेय.’ असं कॅप्शन देत सुंदर फोटो शेअर केले आहेत. पूजाने अगदी पारंपरिक पद्धतीने लग्नानंतरची पहिली वटपौर्णिमा साजरी केली आहे. पारंपरिक लूकमध्ये पूजा खूपच सुंदर दिसतेय.

वटपौर्णिमेच्या सणाला पूजाने पिवळ्या आणि लाल रंगाची काठ असलेली काठापदराची साडी नेसली होती. यावर तिने गळ्यात ठुशी घालून, गळ्यात सुंदर मंगळसूत्र घालून वडाच्या झाडाची पूजा केली.

नाकात नथ, हातात हिरवा चुडा आणि मराठमोळ्या अंदाजात लूक पूर्ण करून तिने सर्वांचं लक्ष वेधलं आहे. सध्या अभिनेत्रीच्या फोटोंची सोशल मीडियावर जोरदार चर्चा होत असून तिच्या लूकचे चाहते कौतुक करीत आहे. पूजाने इन्स्टावर पूजेच्या ताटाचा फोटोही शेअर केलेला आहे.

पूजा सावंतने २८ फेब्रुवारी २०२४ रोजी सिद्धेश चव्हाणसोबत लग्नगाठ बांधली आहे. पूजा सावंतने इंडस्ट्रीतील कोणत्याही व्यक्तीसोबत नाही तर, एका बिझनेसमन व्यक्तीसोबत लग्न केलं आहे. सध्या पूजा करियरच्या शिखरावर आहे. त्यानंतर तिने लग्नाचा मोठा निर्णय घेतलेला आहे.