अवघ्या काही दिवसांवरच दिवाळी सण येऊन ठेपला आहे. अशातच उच्च न्यायालयाने हवेच्या पातळीमध्ये घट झाल्यामुळे हायकोर्टाने नवे निर्देश जारी केले आहेत. हवेची पातळी दिवसेंदिवस खालावत असल्यामुळे उच्च न्यायालयाने दिवाळीमध्ये मुंबईसह राज्यातल्या नागरिकांना फक्त तीन तासच फटाके फोडण्यासाठी मुभा दिली आहे. या निर्णयाला सोशल मीडियावर सर्वच स्तरातून संमिश्र प्रतिक्रिया येत आहेत. अभिनेता वैभव मांगलेने कोर्टाच्या निर्णयाचे समर्थन करत पोस्ट शेअर केली आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
अभिनेता वैभव मांगलेने फेसबुकवर पोस्ट शेअर केली आहे. “कळकळीची विनंती..... मित्रांनो महाराष्ट्रातील बहुतांश महानगरातील हवा कमालीची प्रदूषित आहे. कृपया फटाके फोडून ती अधिक प्रदूषित करू नका.” असं म्हणत त्याने फेसबुक पोस्ट शेअर केली आहे. अभिनेत्याच्या या पोस्टला चाहत्यांकडून संमिश्र प्रतिसाद मिळतोय. (Social Media)
न्यायलयाने दिलेल्या निर्णयाची सध्या जोरदार चर्चा होत आहे. हवेचा दर्जा खालावल्यामुळे उच्च न्यायालयाने दिवाळीमध्ये सायंकाळी ७ ते रात्री १० वाजेपर्यंतच फटाके फोडण्याची मुभा दिली आहे. या निर्णयाचे पालन होत आहे की नाही, हे पाहण्याची जबाबदारी पालिका आयुक्त आणि पोलिसांवर असेल.
तीन दिवसांमध्ये हवेची गुणवत्ता सुधारण्याचे आदेश राज्य सरकार आणि पालिका यांना दिले आहेत. जर तसे झाले नाही तर सार्वजनिक आणि खासगी प्रकल्प बंद करण्याचा इशाराही दिला आहे.
हवेचा दर्जा सुधारावा यासाठी न्यायालयाने राज्य सरकारसह अनेक महत्वाच्या महानगरपालिकांना व एमएमआरडीए आयुक्तांना तातडीचे निर्देश दिलेय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.