बॉलिवूड अभिनेता विकी कौशलच्या 'छावा' चित्रपटाला प्रेक्षकांकडून खूप चांगला प्रतिसाद मिळाला. विकीचा हा चित्रपट सुपरहिट ठरला. ऐवढच नाही तर या चित्रपटाने सर्व रेकॉर्ड मोडले. एकीकडे या चित्रपटाचे सर्वस्तरावरून कौतुक होत असताना या चित्रपटामध्ये काम केलेल्या मराठमोठा अभिनेता आस्ताद काळेने धक्कादायक विधान करत चित्रपटावर आक्षेप घेतला. आस्ताद काळेने फेसबुकवर छावा चित्रपटाबाबत पाच पोस्ट केल्या आहेत. त्याच्या या पोस्ट व्हायरल होत असून आता त्याच्यावर प्रेक्षक चांगलेच भडकले आहेत.

छावा चित्रपट रिलीज होऊन २ महिने झाले. तरी देखील प्रेक्षकांनी या चित्रपटाला अजूनही डोक्यावर घेतले आहे. रिलीज झाल्यापासून हा चित्रपट पाहण्यासाठी प्रेक्षक मोठी गर्दी करत होते. आजही या चित्रपटाची क्रेझ काही कमी झाली नाही. या चित्रपटामध्ये अभिनेता आस्ताद काळेने सूर्या ही भूमिका साकरली आहे. या चित्रपटात काम करून सुद्धा आस्ताद काळेने या चित्रपटावर आक्षेप घेत धक्कादायक वक्तव्य केले आहे. आस्ताद काळेने छावा चित्रपट वाईट असल्याचे म्हणत महाराणी सोयराबाई यांच्याबाबत चित्रेपटामध्ये जी दृश्य दाखवली होती त्यावर आक्षेप घेतला आहे.

आस्ताद काळेने महाराणी सोयराबाई यांच्याबाबत चित्रपटामध्ये जी दृष्य दाखवण्यात आली होती त्यावर आक्षेप घेत जी पोस्ट केली आहे त्यामुळे असे लिहिले आहे की, 'हा कुठला इतिहास आहे? महाराणी सोयराबाई सरकारांनी छत्रपती संभाजी महाराजांविरुद्ध औरंगजेबाच्या मुलाला पत्र पाठवलं होतं? काय पुरावे आहेत याचे?', असा सवाल विचारला आहे.

आस्ताद काळेने पुढे लिहिले की, 'सोयराबाई राणी सरकारांचे अंत्यसंस्कार एका नदीकाठी? असं नाही व्हायचं हो! सोयराबाई राणी सरकार या परपुरुषासमोर बसून पान लावतायत? आणि ते खातायत? हे कसं चालतं?', असा आक्षेप घेत त्याने अनेक प्रश्न उपस्थित केले आहेत.

स्ताद काळेच्या या पोस्टनंतर सोशल मीडियावर आता जोरदार चर्चा रंगल्या आहेत. नेटकऱ्यांनी त्याच्या या पोस्टवर संताप व्यक्त केला आहे. आस्ताद काळेवरला नेटकऱ्यांनी खडेबोल सुनवायला सुरूवात केली. नेटकऱ्यांचा संताप पाहून अवघ्या काही तासांमध्ये त्याने सर्व पोस्ट डिलीट केल्या.