Achani Ravi Passes Away: दाक्षिणात्य सिनेसृष्टीतून एक दुःखद बातमी येत आहे. सुप्रसिद्ध चित्रपट निर्माते आणि प्रसिद्ध उद्योगपती अचानी रवी उर्फ रवींद्रनाथ नायर (Ravindranath Nair) यांचं निधन झाले आहे. अचानी रवी (Achani Ravi) यांचे शनिवारी (८ जुलै) रोजी निधन झाले. निर्मात्यांनी केरळमधील कोल्लममध्ये वयाच्या ९० व्या वर्षी अखेरचा श्वास घेतला. त्यांच्या सिने कारकिर्दीची सुरुवात ‘अन्वेशिचू कंदेठीला’ या चित्रपटातून झाली असून त्यांनी आतापर्यंत टॉलिवूडला अनेक हिट चित्रपट दिले आहेत. (Tollywood Actor)

अचानी रवी यांच्या पश्चात त्यांची २ मुलं आणि १ मुलगी आहे. मीडिया रिपोर्टसनुसार, अचानी रवी यांची पत्नी उषा राणीचे २०१३ मध्ये निधन झाले. त्या एक प्रसिद्ध गायिका होत्या. अचानी रवी यांची सिनेसृष्टीत निर्माता म्हणून आपली कारकीर्द सुरू झाल्यानंतर १९७० ते १९८० च्या दशकात जनरल पिक्चर्सच्या बॅनरखाली मल्याळम चित्रपटांची निर्मिती केली. रवींद्रनाथ नायर यांना १९७३ मध्ये अचनी या चित्रपटानंतर अचनी रवी हे टोपण नाव पडलं. (Tollywood)

अचनी रवी यांनी निर्मित केलेला ‘थंपू’ हा चित्रपट २०२२ मध्ये पार पडलेल्या ‘कान्स चित्रपट महोत्सव’मध्ये प्रदर्शित करण्यात आला. हा चित्रपट दिवंगत चित्रपट निर्माते जी. अरविंदन यांनी दिग्दर्शित केला होता.

कांचना सीता, थंपू, कुम्मट्टी, एस्तप्पन, पोक्कुवेइल, एलीप्पथायम, मंजू, मुखमुखम, अनंतराम आणि विधेयान या चित्रपटांची अचनी रवी यांनी निर्मिती यांनी केली. अचनी रवी यांना आपल्या सिने कारकीर्दीत एकूण २० चित्रपटांसाठी राष्ट्रीय पुरस्काराने सन्मानित करण्यात आले. टॉलिवूडमधील अमूल्य योगदानासाठी अचनी रवी यांना ‘जेसी डॅनियल पुरस्कार’ आणि ‘केरळ राज्य चित्रपट पुरस्कार’ ने सन्मानित करण्यात आले.

अचनी रवी यांचा जन्म केरळमधील कोल्लममध्ये एक श्रीमंत व्यापारी कुटुंबात झाला. त्यांनी आपल्या वडिलांचा काजू व्यवसाय सांभाळला. त्यांचा विजयलक्ष्मी काजू हा केरळमधील उत्कृष्ट आणि उच्च दर्जाचा काजू उद्योग म्हणून ओळखला जातो. निर्माता आणि व्यावसायिक असण्यासोबतच त्यांची सामाजिक कार्यकर्ता म्हणून देखील ओळख होती. अचानी रवी यांच्या निधनानं मल्याळम चित्रपटसृष्टीवर शोककळा पसरली आहे.