Vincy Aloshious: चित्रपटसृष्टीत, मग ते बॉलिवूड असो, टॉलिवूड असो किंवा मल्याळम चित्रपट असो, ड्रग्जमुळे होणाऱ्या अपघाती घटनांबद्दल सावधगिरी बाळगणे हा एक सततचा मुद्दा आहे. अलिकडेच, मल्याळम अभिनेत्री विन्सी अलोयसियसने एका सहकलाकारावर दुर्व्यवहाराचा आरोप केला आहे. तिच्या म्हणण्यानुसार, एका शूटिंगदरम्यान सहकलाकार ड्रग्ज घेऊन आला आणि नंतर त्या कलाकाराने तिच्याशी असभ्य वर्तन केले. ही घटना अलीकडील एका फिल्मच्या चित्रीकरणावेळी घडल्याचे ती म्हणते.

तिचा सहकलाकाराने ड्रग्ज...

विन्सी अलीकडेच एका ड्रग्ज विरोधी मोहिमेच्या कार्यक्रमात सहभागी झाली होती. यावेळी ती म्हणाली, "जर मला माहित असते की माझा सहकलाकार ड्रग्ज घेतो, तर मी त्याच्यासोबत काम कधीच केले नसते ." तिने तिच्या वैयक्तिक अनुभवांवर प्रकाश पडला. अभिनेत्री म्हणाली की, एका चित्रपटाच्या चित्रीकरणादरम्यान तिला खूप अस्वस्थ परिस्थितीचा सामना करावा लागला कारण तिचा सहकलाकाराने ड्रग्ज घेतले होते.

'त्याने माझ्या ड्रेसबद्दल...'

विन्सीने सांगितले की शूटिंग दरम्यान तिच्या ड्रेसमध्ये काही समस्या होती, जे तिला ठीक करायचे होते. मग तिच्या सहकलाकाराने हास्यास्पद पद्धतीने सर्वांना सांगितले की तो तिला तिचा ड्रेस ठीक करण्यास मदत करत आहे. एवढेच नाही तर त्याने न विचारता ड्रेसला स्पर्श करण्याचा प्रयत्न केला आणि संपूर्ण घटना हास्यस्पदप्रकारे समोर आणली.

अभिनेत्रीने पुढे सांगितले की, काही वेळाने त्या माणसाच्या तोंडातून पांढऱ्या पावडरसारखे काहीतरी बाहेर पडले. तेव्हाच त्यांना कळले की तो ड्रग्जच्या प्रभावाखाली आहे. विन्सी म्हणाली, "जर तुम्हाला ड्रग्ज घ्यायचे असतील तर तो तुमचा वैयक्तिक निर्णय आहे. पण कामाच्या ठिकाणी असे करणे आणि इतरांना त्रास देणे हे पूर्णपणे चुकीचे आहे."

विन्सीच्या या आरोपांमुळे मल्याळम फिल्म इंडस्ट्रीत खळबळ माजली आहे. अभिनेत्रीच्या समर्थनार्थ अनेक कलाकार आणि चाहत्यांनी सोशल मीडियावर पोस्ट केल्या आहेत. त्यांनी महिलांच्या सुरक्षिततेबाबत कठोर पावले उचलण्याची मागणी केली आहे. विन्सीने सोशल मीडियावर आणि मुलाखतीतून या घटनेबद्दल आवाज उठवला असून तिने हा अनुभव अत्यंत त्रासदायक असल्याचे सांगितले. तिला विश्वास होता की ती एका सुरक्षित वातावरणात काम करत आहे, पण या प्रकारामुळे तिच्या मनात भीती निर्माण झाली आहे.