टीव्ही अभिनेता अरुण सिंह राणाने (Arun Singh Rana) आपल्या अभिनयाने प्रेक्षकांची मने जिंकली आहेत. सध्या अरुण त्याच्या वैयक्तिक आयुष्यामुळे चर्चेत आला आहे. अरुण सिंह राणाने लग्नाच्या 4 वर्षानंतर घटस्फोट घेतला आहे. त्याने यासंदर्भात एक पोस्ट शेअर केली आहे. ज्याने चाहत्यांचे लक्ष वेधून घेतले आहे.

अरुण सिंह राणाने 2013 मध्ये सौरभ राज जैनच्या 'महाभारत' या मालिकेतून छोट्या पडद्यावर पदार्पण केले. यानंतर तो 'दिया और बाती हम'मध्येही दिसला होता. अभिनेता अरुण सिंह राणा 'नागिन 6' नंतर त्याच्या वैवाहिक जीवनात अडकला. अरुण सिंह राणा आपल्या घटस्फोट अनुभव सांगताना अतुल सुभाष यांचाही उल्लेख केला आणि ते त्यांच्या परिस्थितीशी सहज जुळवून घेऊ शकतात असे सांगितले.

अरुण सिंह राणाने 2018 मध्ये हिमाचलमध्ये शिवानीशी लग्न केले. एका मिडिया मुलाखतीत त्याने सांगितले की, "डिसेंबर 2024 मध्ये त्यांचा घटस्फोट झाला आहे. तो खूप काळ मानसिक तणावातून गेला होता पण कुटुंबाच्या पाठिंब्याने तो बाहेर आला. रिलेशनशिप तुटल्यानंतर मी कठीण प्रसंगांचा सामना केला"

घटस्फोटाचे नेमकं कारण काय?

अरुण पुढे म्हणाला की, "परिस्थितीचा सामना करताना अनेकवेळा जीवन संपवण्याचा विचार येतो आणि तुम्हाला कोणतीही आशा दिसत नाही. तेव्हा कधीही हार मानू नये कारण अंधाऱ्या रात्रीनंतर सकाळचा प्रकाश नेहमीच असतो. जीवन ही देवाने दिलेली देणगी आहे. ज्याचा आदर केला पाहिजे. एखाद्यावर प्रेम केले पाहिजे आणि चांगल्या कर्माने जगले पाहिजे."

शेवटी अरुण म्हणाला, "मी बरा होत आहे. कुटुंब मला साथ देत आहे. मी माझ्या बहिणीचा आणि पालकांचा खूप आभारी आहे. 2025 मध्ये मला करिअरवर लक्ष केंद्रित करायचे आहे. एका चुकीच्या निर्णयामुळे मी माझ्या आयुष्यातील चार वर्षे गमावली. मला प्रेक्षकांचे पुन्हा प्रेम मिळावायचे आहे. चांगल्या भूमिका करण्यासाठी मी उत्सुक आहे"