९० च्या दशकातील एव्हरग्रीन अभिनेत्रीमध्ये माधुरी दीक्षितआणि श्रीदेवी यांचा उल्लेख आहे. उत्कृष्ट अभिनयाच्या जोरावर त्यांनी सिनेसृष्टीत आपली छाप उमटवली. या दोघांच्या नृत्यातील अदाकारीने प्रेक्षकांना मंत्रमुग्ध केले. असे असतानाही मात्र या दोघींनी कधी एकत्र काम केले नाही. यामुळे सिनेसृष्टीत या दोघीं एकमेकांच्या कट्टर वैरी आहेत. असं समजलं जायचं यासंदर्भात नुकतंच माधुरी दीक्षित श्रीदेवीबद्दलचे तिचे मत मांडले आहे.

नुकतीच एका मुलाखतीत माधुरी दीक्षितने दिवंगत अभिनेत्री श्रीदेवीबद्दल सांगितले आहे. तिने, "मी आणि श्रीदेवीने कायमच एकमेकींचा आदर केला आहे. पण आम्ही कधीच एकत्र काम केले नाही. एका प्रोजेक्टमध्ये काम केलं, पण आमचे एकमेकीसोबत कोणतेही सीन नव्हते. एक अभिनेत्री म्हणून तिने जे काही नाव कमावलं त्याबद्दल मला तिचा प्रचंड आदर होता. श्रीदेवीने अनेक भाषांमध्ये कौतुकास्पद आणि उल्लेखनीय कामगिरी केली आहे."

पुढे तिने, "बोनी कपूर यांच्या पुकार या सिनेमाची ती निर्माती होती. पण तेव्हाही आमच्यात जास्त बोलणं होत नव्हते. दोघीही आपआपल्या कामात व्यस्त राहायचो. जास्त एकमेकींना कधी भेटलो नाही. पुकारच्या शुटिंगवेळी माझं लग्न झालं होतं. त्यानंतर तो चित्रपट रिलीज झाला तेव्हा मी अमेरिकेला होते. त्यामुळे आमच्यात कधी बोलणं झालंच नाही. "

"श्रीदेवी माझ्या आधी इंडस्ट्रीत आली होती. ती वयाच्या चौथ्या वर्षापासूनच चित्रपटांत काम करायची. तिने एक प्रसिद्ध अभिनेत्र होण्यासाठी विशेष मेहनत घेतली होती. त्यामुळे मला कायमच तिच्याबद्दल आदर वाटतो. "

माधुरी दीक्षितचा भूल भुलैया हा चित्रपट १ नोव्हेंबर प्रदर्शित झाला आहे. चित्रपटात कार्तिक आर्यन, विद्या बालन आणि तृप्ती डिमरी यांच्या मुख्य भूमिका आहेत. बिग बजेट १५० कोटीमध्ये तयार झालेला हा सिनेमा अद्यापही बॉक्स ऑफिसवर धुमाकूळ घालताना दिसतोय. आतापर्यत या चित्रपटाने एकूण 225.15 कोटींचा गल्ला जमावला आहे.