मनोरंजन विश्वातून दुःखद बातमी समोर आली आहे. प्रसिद्ध अभिनेत्याचे निधन झाले आहे. 'वॉकर, टेक्सास रेंजर' (Walker, Texas Ranger) या शोमुळे जगभर ओळखले जाणारे, दिग्गज मार्शल आर्टिस्ट आणि ॲक्शन स्टार चक नॉरिस (Chuck Norris) यांचे वयाच्या 86 व्या वर्षी निधन झाले आहे. त्यांच्या कुटुंबियांनी ही माहिती सोशल मीडियावर शेअर केली आहे.

चक नॉरिस यांचे शुक्रवारी सकाळी हवाई (Hawaii) येथे रुग्णालयात दाखल असताना निधन झाले. त्यांच्या आकस्मिक निधनामुळे चाहते आणि चित्रपटसृष्टीला मोठा धक्का बसला आहे. जगभरातून त्यांना श्रद्धांजली वाहण्यात येत आहे. इन्स्टाग्रामवर शेअर केलेल्या पोस्टमध्ये असे म्हटले की, "चक नॉरिस यांना अलीकडेच रुग्णालयात दाखल करण्यात आले होते. त्यांच्या आयुष्याच्या अखेरच्या काळात चाहत्यांनी दिलेल्या पाठिंब्याबद्दल आणि केलेल्या प्रार्थनांबद्दल त्यांनी चाहत्यांचे आभार मानले." कुटुंबियांनी या दुःखाच्या प्रसंगी त्यांच्या privacy चा आदर करण्याची विनंतीही केली आहे.

चक नॉरिस यांचे करिअर

चक नॉरिस यांचा जन्म 1940 मध्ये ओक्लाहोमा येथे झाला होता. मार्शल आर्ट्सचे दिग्गज विजेते आणि कराटे, तायक्वांदो, ज्युडो व ब्राझिलियन जिउ-जित्सू यांसारख्या विविध प्रकारांमध्ये 'ब्लॅक बेल्ट'चे मानकरी बनण्यापूर्वी त्यांनी अमेरिकेच्या हवाई दलात (US Air Force) सेवा बजावली होती. चित्रपटसृष्टीतील त्यांच्या कारकिर्दीची सुरुवात 'द रेकिंग क्रू' (1968) या चित्रपटातील पहिल्या भूमिकेने झाली. परंतु 1972 मध्ये प्रदर्शित झालेल्या एका चित्रपटात ब्रूस ली यांच्यासोबत केलेल्या पडद्यावरील लढतीमुळे त्यांना अधिक प्रसिद्धी मिळाली.

गेल्या काही वर्षांत त्यांनी 'डेल्टा फोर्स' आणि 'मिसिंग इन ॲक्शन' सारख्या अनेक गाजलेल्या ॲक्शन चित्रपटांमध्ये अभिनय केला आणि त्याद्वारे ॲक्शन नायकाचे (action heroism) प्रतीक म्हणून आपली ओळख निर्माण केली.'वॉकर, टेक्सास रेंजर' या टीव्ही मालिकेत 'कॉर्डेल "कॉर्ड" वॉकर' ही भूमिका साकारणारे अभिनेते म्हणून चक नॉरिस प्रचंड लोकप्रिय झाले.या दिग्गज ॲक्शन स्टारच्या पश्चात त्यांची पत्नी 'जीना ओ'केली आणि पाच मुले असा परिवार आहे.