मुंबई - कॉमेडियन म्हणून भारती सिंह अतिशय लोकप्रिय आहे. भारतीने २०१७ मध्ये हर्ष लिंबाचियासोबत लग्नगाठ बांधली आणि त्यानंतर आता भारतीच्या घरी नवीन पाहुण्याचे आगमन होणार आहे. सोशल मीडियावर व्हिडीओ शेअर करत भारतीने चाहत्यांना ही गूडन्यूज दिली आहे.

सोशल मीडियावर भारतीने एक व्हिडीओ शेअर केला आहे. या व्हिडीओमध्ये तिची प्रेग्नंसी टेस्ट पॉझिटीव्ह येत असल्याचे दिसून येत आहे. या व्हिडिओमध्ये ती खूप आनंदी असल्याचे दिसत आहे. व्हिडीओमध्ये ती “पण मी कसं सांगू की हे त्याचं बाळ नाही?” असे बोलते आणि त्यानंतर हसत, “आमच्या दोघांचे बाळ आहे” असे म्हणते. हर्ष आनंदाने भारतीला मिठी मारतो आणि म्हणतो, ‘बरं झालं भारतीने रेकॉर्ड केलं.

आम्ही आई होणार आहोत. सॉरी, भारती आई होणार आहे आणि मी बाबा.’ भारती हा व्हिडीओ इन्स्टाग्राम अकाऊंटवर देखील शेअर केला आहे. हा व्हिडीओ शेअर करत तिने ‘आम्हाला मिळालेले सर्वात मोठे सरप्राइज’ या आशयाचे कॅप्शन दिले आहे. तिच्या या पोस्टवर कलाकारांसोबतच चाहत्यांनी कमेंट करत शुभेच्छा दिल्या आहेत.

Edited By - Shivani Tichkule