Hrithik Roshan: बॉलिवूड अभिनेता हृतिक रोशनने काल आपला ४९ वा वाढदिवस मोठ्या उत्साहात साजरी केला. रोशन आपल्या अभिनयासह डॅशिंग लूकमुळेही बराच चर्चेत असतो. कोई मिल गया, क्रिश आणि क्रिश ३ त्याचा या चित्रपटातील अभिनय प्रेक्षकांना खास भावला. त्याच्या चाहत्यांनाही 'क्रिश ४' ची उत्सुकताही बऱ्याच दिवसांपासून होती. त्यातच आता 'क्रिश ४' बद्दल मोठी अपडेट समोर आली आहे.

राकेश रोशन निर्मित या 'क्रिश 4'ची कमान दुस-याकडे सोपवणार असल्याची बातमी काही दिवसांपूर्वी सोशल मीडियावर बरीच व्हायरल होत होती. तर सध्या या चित्रपटाबाबत आणखी एक मोठे अपडेट समोर आले आहे. नुकत्याच दिलेल्या एका मुलाखतीत हृतिक रोशनने त्याच्या 'फाइटर', 'वॉर 2' आणि 'क्रिश 4' या चित्रपटांबद्दल मोठे अपडेट दिले होते. या मुलाखतीत हृतिक म्हणतो, "क्रिश ४ बद्दल सर्व गोष्टी ठरल्या असून शुटिंगचं काम सुद्धा पूर्ण झालंय."

सोबतच तो पुढे म्हणतो, "फक्त टेक्निकल माध्यमांवर काम करणं बाकी आहे. काही अडचणी दूर करायच्या आहेत. अशा सर्व गोष्टींवर काम झालं की, २०२३ च्या अखेरीस सिनेमा प्रेक्षकांच्या भेटीला येण्याची शक्यता आहे." अशी माहितीच खुद्द हृतिकने दिली आहे. त्यामुळे एकूणच क्रिश ४ चित्रपटाचे प्रदर्शन लांबणीवर पडला असून चाहत्यांना चित्रपटाच्या प्रदर्शनाची आणखी वाट बघावी लागणार आहे.

नुकत्याच दिलेल्या एका मुलाखतीत हृतिक रोशनने त्याच्या 'फाइटर' आणि 'क्रिश 4' या चित्रपटाविषयी एक मोठे अपडेट दिले आहे. मुलाखतीत तो म्हणतो, 'आम्ही फायटरमध्ये वास्तविक लढाऊ विमानांमध्ये शूटिंग करत आहे. आम्ही नुकतेच सुखोईमध्ये चित्रीकरण केले आहे.

भारतीय वायुसेनेची शिस्त आपल्याला लागणे खूप प्रेरणादायी आहे. त्यांची देहबोली, शिस्त, धाडस आणि समजूतदारपणातून खूप काही शिकण्यासारखे आहे. हा अनुभव मला मिळाला याचा मला आनंद आहे.'हृतिक रोशनला 'वॉर 2' चित्रपटाबद्दलही विचारण्यात आले होते. तेव्हा हृतिकने त्याच्या चित्रपटाबद्दल कोणतीच माहिती दिलेली नाही.