Laapataa Ladies : बॉलीवूडचा मिस्टर परफेक्ट आमिर खान आणि किरण राव यांचा 'लापता लेडीज' हा चित्रपट लोकांना खूप आवडला होता. यामुळेच या चित्रपटाला फिल्म फेडरेशन ऑफ इंडियाने ९७व्या ऑस्करसाठी सर्वोत्कृष्ट परदेशी फीचर फिल्म म्हणून भारताकडून पाठवण्यात आला होता. परंतु, हा चित्रपट ऑस्कर २०२५ च्या स्पर्धेतून बाद झाल्याची बातमी समोर अली. आता या चित्रपटाच्या दिग्दर्शिका किरण राव यांनी यावर आपलं मत व्यक्त केलं आहे.
किरण रावचा 'लपता लेडीज' हा चित्रपट जेव्हापासून ऑस्करच्या शर्यतीतून बाहेर पडला आहे. तेव्हापासून तो चर्चेचा विषय बनला आहे. यावर अनेक नेटकऱ्यांनी तीव्र प्रतिक्रिया दिल्या. याशिवाय ग्रॅमी पुरस्कार विजेते रिकी केज यांनी ट्विट केले की ऑस्कर पुरस्कार सोहळ्यात भारताचे प्रतिनिधित्व करण्यासाठी हा चित्रपट चुकीचा आहे. रवी किशन यांनीही यावर प्रतिक्रिया दिली. आता किरण राव यांनी यावर आपली प्रतिक्रिया दिली असून आपल्या सोशल मीडिया अकाऊंटवर ही माहिती शेअर करून आपले मत व्यक्त केले आहे.
किरणने व्यक्त केली कृतज्ञता
'लपता लेडीज' ऑस्करच्या शर्यतीतून बाहेर पडल्याबद्दल किरणने काहीही सांगितले नाही किंवा तिने या चित्रपटाबद्दल कोणतेही विधान केले नाही, परंतु तिने एक पोस्ट शेअर केली. या पोस्टमध्ये तिने चाहत्यांनी केलेल्या स्पोर्टसाठी आभार मानले आहेत. या पोस्टमध्ये लिहिले होते, 'तुमच्या प्रेम आणि समर्थनासाठी धन्यवाद. किरणने तिच्या इंस्टाग्राम स्टोरीजवर अश्रू भरलेले डोळे असलेले इमोजी, हृदय आणि हात जोडलेल्या इमोजीसह ही पोस्ट शेअर केली आहे.
प्रत्येक निर्णयाचा आदर केला पाहिजे
दरम्यान, FFI ज्युरी सदस्य जाह्नू बरुआ यांनी 'लपता लेडीज' ऑस्करच्या शर्यतीतून बाहेर पडल्याबद्दल बोलले आहे. जाह्नूने एका वृत्तपत्राला सांगितले, ' हे अत्यंत दुर्दैवी आहे. पण लोकांनी तो ज्युरीचा निकाल म्हणून स्वीकारला पाहिजे. माझे अनेक चित्रपट विविध स्पर्धांसाठी पाठवले जातात, काही स्पर्धांमध्ये त्यांना पुरस्कार मिळातत तर काही ठिकाणी ते जिंकले जात नाहीत. याचा अर्थ असा नाही की त्याबद्दल काही चुकीचे बोलले पाहिजे. आपण प्रत्येक निर्णयाचा आदर केला पाहिजे.
याआधी या चित्रपटाचा एक भाग असलेले रवी किशन यांनीही म्हटले होते की, 'माझ्यासारखा सामान्य माणूस ऑस्करला जाऊ शकतो, याची मी कल्पनाही करू शकत नाही. मला आशा आहे की आणखी एक उत्तम स्क्रिप्ट माझ्या वाट्याला येईल आणि मी पुन्हा एकदा जगाच्या मोठ्या मंचावर जाऊ शकेन.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.