KBC 17: भारतातील प्रसिद्ध उद्योगपती आणि आदित्य बिर्ला ग्रुपचे अध्यक्ष कुमार मंगलम बिर्ला अलीकडेच कौन बनेगा करोडपती १७ मध्ये हजेरी लावली. जिथे त्यांनी त्यांच्या आयुष्यातील एक किस्सा सांगितला त्यामुळे केवळ अमिताभ बच्चनच नव्हे तर प्रेक्षकांनाही आश्चर्य वाटले. अब्जावधी रुपयांचा वारसा असलेल्या व्यावसायिक कुटुंबात जन्माला येऊनही, कुमार मंगलम बिर्ला यांच्या कारकिर्दीची सुरुवात सोपी नव्हती.

शो दरम्यान कुमार मंगलम यांचा खुलासा

अमिताभ बच्चन यांनी त्यांना विचारले की इतक्या प्रतिष्ठित आणि श्रीमंत कुटुंबात जन्माला येऊनही त्यांनी सुरुवात कशी करायची हे प्रेक्षकांना शिकवले. बिर्ला यांनी त्यांचे वडील आदित्य विक्रम बिर्ला यांच्या कडक विचारसरणीची आठवण करून दिली. त्यांनी स्पष्ट केले की पदवीधर झाल्यानंतर त्यांचे स्वप्न थेट वडिलांच्या कार्यालयात जाऊन काम सुरू करण्याचे होते, परंतु त्यांच्या वडिलांनी स्पष्टपणे नकार दिला. त्यांचा असा विश्वास होता की केवळ वारशाच्या आधारावर व्यवसायात प्रवेश करणे योग्य नाही.

कुमार मंगलम यांच्यासमोर ठेवलेली अट

कुमार मंगलम बिर्ला यांनी सांगितले की त्यांच्या वडिलांनी त्यांच्यासमोर एक कठीण अट घातली होती. ती म्हणजे चार्टर्ड अकाउंटंट (सीए) बनणे. ही अट त्यांना धक्का देणारी होती. ज्या वयात ते एमबीए सारख्या पर्यायांचा विचार करत होते, त्याच वयात सीए सारख्या कठीण परीक्षेच्या विचाराने त्याचे स्वप्न चक्काचूर झाले. त्यांनी आजोबा आणि आईकडे मदत मागितली, पण त्यांच्या आजोबा आणि आईने " जे काही करायचे आहे ते तुलाचं करायचं आहे." असं बोलून मदत करण्यास नकार दिला.

कुमार मंगलम बिर्ला यांची सर्वात मोठी ताकद

या संपूर्ण कथेवरून हे स्पष्ट झाले की आदित्य विक्रम बिर्ला आपल्या मुलाला केवळ उत्तराधिकारी म्हणून नव्हे तर एक सक्षम उत्तराधिकारी म्हणून तयार करू इच्छित होते. कुटुंबातील कोणत्याही सदस्याने त्याला या निर्णयापासून परावृत्त करण्याचा प्रयत्न केला नाही; उलट, सर्वांनी त्यांना कठोर परिश्रम आणि शिस्तीचा मार्ग अवलंबण्यास प्रोत्साहित केले. हे शिक्षण नंतर कुमार मंगलम बिर्ला यांची सर्वात मोठी ताकद बनले.