Leke Prabhu Ka Naam Is Trending Before Its Release:

सलमान खान आणि कतरिना कैफ यांचा 'टायगर ३' हा चित्रपट दिवाळीच्या मुहूर्तावर म्हणजे १२ नोव्हेंबराला प्रदर्शित होणार आहे. सलमान आणि कतरिना यांचा या चित्रपटाची प्रेआकाशक आतुरतेने वाट पाहत आहेत. कारण यावेळी 'टायगर ३'मध्ये अनेक सरप्राईज मिळणार असल्याचे सांगण्यात आले आहे.

काही दिवसांपूर्वी 'टायगर ३'चा धमाकेदार ट्रेलर प्रदर्शित झाला आहे. ट्रेलरमध्ये सलमान खान आणि कतरिना कैफ फुल अॅक्शन मोडमध्ये दिसत आहे. सध्या या चित्रपटाच्या एक गाण्याची चर्चा आहे.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

कतरिना कैफने तिचा एक बोल्ड फोटो शेअर करत चित्रपटातील गाणे प्रदर्शित होणार असल्याची घोषणा केली होती. या पोस्टमध्ये कतरिनाने शेअर तिचा फोटो फारच हॉट होता. कतरिनाने ब्लॅक अँड व्हाईट टू पीस घातला असून त्यावर निऑन ग्रीन रंगाचा श्रग घेतला आहे. तिचा हा लूक तिच्या चाहत्यांना खूप आवडला आहे. कतरिनाचा हा लूक 'टायगर ३' चित्रपटातली नवीन गाण्यामधील आहे.

'टायगर ३' या चित्रपटातील नवीन गाण्याचे नाव 'लेके प्रभू का नाम' असे आहे. हे एक पार्टी सॉंग असणार आहे. कतरिना कैफ आणि सलमान खान गेल्या काही दिवसांपासून याविषयीचे अपडेट शेअर करत आहेत. हे गाणं उद्या म्हणजे २३ ऑक्टोबरला ११ वाजता रिलीज होणार आहे.

नुकताच कतरिनाने या गाण्यातील आणखी एक लूक शेअर केला. त्यामुळे कतरिना, सलमान खान आणि 'टायगर ३' पुन्हा ट्रेंड करत आहेत. कतरिना आणि सलमानच्या या पोस्टवर नेटकरी कमेंट करत या नवीन गाण्यासाठी आणि चित्रपटासाठी एक्ससाईटेड असल्याचे सांगत आहेत. तसेच चित्रपट ब्लॉकबस्टर होणार अशा कमेंट नेटकरी करत आहेत.

आदित्य चोप्रा निर्मित या चित्रपटातील सलमान खान - कतरिना कैफ यांची टायगर-झोया ही जोडी खूप प्रसिद्ध आहे. 'टायगर ३' हा वायआरएफच्या स्पाय युनिव्हर्समधील चित्रपटात आहे. या चित्रपटामधील एजेंट टायगर आणि झोया पुन्हा प्रेक्षकांच्या भेटीला येणार आहेत.

यावेळी चित्रपटामध्ये देशभक्तीसह फॅमिलीसाठी टायगर लढणार असल्याचे ट्रेलरमध्ये दाखविण्यात आले आहे. मुलाला न्याय मिळावा यासाठी टायगर लढणार असल्याचे आतापर्यंतच्या 'टायगर ३'च्या टीझर आणि ट्रेलरवरून स्पष्ट झाले आहे. (Latest Entertainment News)