अक्षय कुमार (Akshay Kumar) आणि अर्शद वारसीचा बहुप्रतिक्षित चित्रपट 'जॉली एलएलबी 3' (Jolly LLB 3) रिलीज झाला आहे. चित्रपट 19 सप्टेंबरला प्रदर्शित झाला आहे. चित्रपटाने बंपर ओपनिंग केली आहे. कोर्ट ड्रामा पाहण्यासाठी प्रेक्षक उत्सुक असल्याचे पाहायला मिळत आहे. 'जॉली एलएलबी 3' हा जॉली एलएलबी फ्रँचायझीचा तिसरा भाग आहे. चित्रपटाने पहिल्या दिवशी किती कोटींची कमाई ( Box Office Collection ) केली, जाणून घेऊयात.

'जॉली एलएलबी 3' बॉक्स ऑफिस कलेक्शन

सॅकनिल्कच्या रिपोर्टनुसार, अक्षय कुमारच्या 'जॉली एलएलबी 3' ने पहिल्या दिवशी 12.50 कोटी रुपये कमावले आहे. सकाळच्या शोमध्ये चित्रपटाने सुरुवात फक्त 10.28 टक्के, दुपारी 17.46 टक्के कमाई केली. मात्र 'जॉली एलएलबी 3'ची कमाई 'जॉली एलएलबी 2'च्या तुलनेत कमी राहिली आहे. 'जॉली एलएलबी 2'ने पहिल्या दिवशी 13 कोटींची कमाई केली होती.

'जॉली एलएलबी 3' ची रेकॉर्ड ब्रेक कामगिरी

मीडिया रिपोर्टनुसार, 'जॉली एलएलबी 3' ने ॲडव्हान्स बुकिंगमध्ये 6 कोटींचा टप्पा ओलांडला. 'जॉली एलएलबी 3' चे बजेट जवळपास 120 कोटी रुपये आहे. 'जॉली एलएलबी 3'ने आमिर खानच्या 'सितारे जमीन पर' ला मागे टाकले आहे. 'सितारे जमीन पर'ने पहिल्या दिवशी 10.20 कोटींची कमाई केली होती.

'जॉली एलएलबी ' 2013 मध्ये आणि 'जॉली एलएलबी 2 ' चित्रपट 2017 ला रिलीज झाला. 'जॉली एलएलबी 3'मध्ये मुख्य भूमिकेत अक्षय कुमार आणि अर्शद वारसी पाहायला मिळत आहे. त्यासोबत चित्रपटात सौरभ शुक्ला,अमृता राव आणि हुमा कुरेशी हे कलाकार देखील झळकले आहेत. 'जॉली एलएलबी 3' हा कॉमेडी ड्रामा चित्रपट आहे.