सिनेमांमध्ये अष्टपैलू अभिनय सादर करुन केवळ बॉलिवूडच (Bollywood) नाही तर तमिळ, तेलुगु , मल्याळम, कन्नड अशा अनेक भाषेतील चित्रपटांत श्रीदेवीनं (Sridevi) उमद्या कलाकाराचा ठसा उमटवला. श्रीदेवीनं जगाचा निरोप जरी घेतला असला, तरी त्यांच्या आठवणी आजही कपूर कुटुंबियांच्या आणि चाहत्यांच्या मनात जीवंत आहेत. आज जागतिक मातृदिनानिमित्त (Mothers day) बॉलिवूड अभिनेत्री जान्हवी कपूरनं (Janhvi Kapoor) दिवंगत अभिनेत्री श्रीदेवीच्या आठवणींना उजाळा दिला आहे. जान्हवीनं तिच्या आईसोबत (श्रीदेवी) असलेला एक स्पेशल थ्रो बॅक फोटो इंन्स्टाग्रामवर शेयर केला आहे. जान्हवीनं फोटोसोबत भावुक मेसेजही लिहिला आहे.

जान्हवीला आली आईची आठवण

श्रीदेवीचं तिच्या दोन्ही मुलींवर खूपचं प्रेम होतं.पण, जान्हवी कपूर आणि श्रीदेवीमध्ये खूपच जवळीक होती. श्रीदेवीची लाडकी जान्हवी तिच्या आईची नेहमीच आठवण काढते.जागतिक मातृदिनानिमित्त जान्हवीने श्रीदेवीसोबत असलेला जुना फोटो शेयर करुन मातृत्वाच्या जिव्हाळ्याला पुन्हा एकदा जीवंत केलं आहे. या फोटोसोबतच जान्हवीनं एक भावुक मेसेज लिहिला आहे. तुमच्या गैरहजेरीतही प्रत्येक दिवशी मला तुमच्या प्रेमाची आठवण होते. तुम्ही हयात नसतानाही जगातील सर्वात सुंदर माता आहेत.लव्ह यू. असं म्हणत जान्हवीने तिची आई श्रीदेवीच्या आठवणींना उजाळा दिलाय.

आई श्रीदेवीसाठी जान्हवीने लिहिलेली पोस्ट सर्वांनाच भावुक करणारी आहे.सेलिब्रिटींपासून चाहत्यांपर्यंत सर्वच जान्हवीला भरभरुन प्रेम देत आहेत. व्हाईट फ्रॉक घातलेली जान्हवी श्रीदेवीसोबत एखाद्या डॉलसारखीच दिसत आहे.सोशल मीडियावर जान्हवीने फोटो शेयर केल्यानंतर दोघांमध्ये असलेलं माय-लेकीचं नातं पाहून चाहतेही भावुक झाले आहेत.