Janhavi Kapoor New Film: अभिनेत्री जान्हवी कपूर लवकरच दाक्षिणात्य सिनेसृष्टीत पदार्पण करणार आहे. आपल्या वाढदिवसानिमित्त जान्हवीने चित्रपटाचे पहिले पोस्टर शेअर केले आहे. जान्हवी कपूर साऊथचा सुपरस्टार ज्युनियर एनटीआरच्या आगामी सिनेमात मुख्य अभिनेत्रीच्या भूमिकेत दिसणार आहे. जान्हवी कपूरचे वडील बोनी कपूर यांनी हे वृत्त अफवा असल्याचे सांगत फेटाळून लावले होते, पण जान्हवी कपूरच्या चाहत्यांनी पोस्टर पाहून तिच्यावर कौतुकाचा वर्षाव केला आहे.

अखेर जान्हवी कपूरने जुनियर एनटीआरच्या आगामी सिनेमात झळकणार असल्याच्या वृत्ताला दुजोरा दिला आहे. जान्हवी कपूरने काही काळापूर्वी एक पोस्टर रिलीज केले होते. जान्हवीने चाहत्यांना सांगितले होते की, ती जुनियर एनटीआरच्या आगामी सिनेमाचा भाग असून लवकरच चित्रपटाच्या शूटिंगला सुरुवात करणार असल्याचं सांगितलं.

जान्हवी कपूरने 'धडक' चित्रपटातून बॉलिवूडमध्ये पदार्पण केले. हा चित्रपट बॉक्स ऑफिसवर सुपरहिट ठरला आणि जान्हवीला प्रेक्षकांनी पहिल्याच चित्रपटात दमदार यश दिले. तेव्हापासून ती आपली अभिनय क्षमता सिद्ध करत आहे. बॉलिवूडनंतर जान्हवी कपूर आता साऊथ फिल्म इंडस्ट्रीत जाण्याच्या चर्चा नसून अखेर ठरलं आहे. अनेक बॉलिवूड अभिनेत्री दाक्षिणात्य सिनेसृष्टीत आपले पाय रोवण्याचा प्रयत्न करत आहेत, त्यात जान्हवी कपूरही आता चर्चेत आहे.