Anil Kapoor Birthday Special: अनिल कपूर बॉलिवूडमधील त्यांच्या भूमिकांसाठी जितके प्रसिद्ध आहेत तितकेच त्यांच्या तारुण्यासाठी ओळखले जातात. अनिल कपूर आज ६६ वर्षाचे झाले आहेत. त्यांनी अनेक बॉलिवूड कलाकारांसोबत काम केले आहे. पण जॅकी श्रॉफ आणि अनिल कपूर यांची जोडी अनेक चित्रपटांमध्ये दिसली होती. दोघांचेही अनेक किस्से आहेत. आज त्यांच्या वाढदिवसानिमित्त जाणून घेऊया त्यांच्यातील एक आठवण.

अनिल कपूर यांनी बॉलिवूडआधी तेलगू चित्रपट सृष्टीत मुख्य कलाकार म्हणून पदार्पण केले होते. त्यानंतर त्यांनी १९८३ साली 'वो सात दिन' या चित्रपटाच्या माध्यमातून बॉलिवूडमध्ये पदार्पण केले. स्पॉट बॉय म्हणून काम करणारा अभिनेता झाला. पहिल्या चित्रपटानंतर देखील अनिल कपूर यांना प्रचंड काम मिळविण्यासाठी मेहनत करावी लागली. (Bollywood)

अनिल कपूर आणि जॅकी श्रॉफ ही जोडीला प्रेक्षकांनी डोक्यावर घेतले होते. १९८९ साली या दोघांचा 'परिंदा' चित्रपट प्रदर्शित झाला होता. अनिल आणि जॅकी यांचा हा चित्रपट बॉक्स ऑफिसवर हिट देखील ठरला. या चित्रपटात जॅकी मोठा भावाच्या तर अनिल कपूर लहान भावाच्या भूमिकेत होते. (Movie)

एका सीनमध्ये जॅकी यांना लहान भाऊ अनिल कपूरला जोरात कानाखाली मारायचे होते. पहिल्याच शॉटमधला हा सीन सगळ्यांना आवडला आणि सगळ्यांनी ओके सुद्धा म्हटले. पण अनिल त्यांच्या एक्सप्रेशनवर खूश नव्हते. यानंतर हा सीन पुन्हा शूट करण्यात आला, पण यावेळीही अनिल त्यांच्या एक्सप्रेशनवर समाधानी नव्हते. या सीनचा पुन्हा रिटेक झाला आणि हे करत असताना जॅकी श्रॉफने अनिल कपूरला १७ वेळा कानाखाली मारली होती.

अनिल कपूर आणि जॅकी श्रॉफ यांनी राम-लखन, त्रिमूर्ती, युद्ध, रूप की रानी चोरों का राजा आणि कभी ना कभी यांसारख्या अनेक चित्रपटांमध्ये एकत्र काम केले आहे. या चित्रपटांमध्ये जॅकीने मुख्यतः अनिल कपूरच्या मोठ्या भावाची भूमिका साकारली होती.