आयकर विभाग बॉलिवूड (Bollywood) अभिनेता सोनू सूदच्या (Sonu Sood) मागे लागल्याचे दिसून येत आहे. सोनुने कोरोना (Corona) काळात गरजू लोकांना खूप मदत केली होती. आता मुंबई (mumbai) आयकर विभाग त्याच्या मालमत्तांसंदर्भात सर्वेक्षण करत आहे. आयकर विभागाने त्याच्या कंपन्यांसंबंधी सुमारे 6 ठिकाणी सर्वेक्षण केल्याचे वृत्त आहे. याशिवाय आणखी एक गोष्ट म्हणजे अलीकडे सोनू सूद दिल्लीचे (Delhi) मुख्यमंत्री अरविंद केजरीवाल (Arvind Kejriwal) यांच्यासोबत दिसला होता, त्यात त्याने आम आदमी पक्षाचे (AAP) कौतुक देखील केले होते.

हे देखील पहा :

आता सोनू सूदवर करचुकवेगिरीचा आरोप करण्यात आला आहे, ज्यामध्ये असे म्हटले जाते की त्याने एका कंपनीसोबत (Company) केलेल्या करारात कर चुकवला होता, ज्यामध्ये लखनौमधील एका रिअल इस्टेट कंपनीचाही समावेश होता. आयकर विभाग (Income Tax Department) या कंपनीमध्येही सर्वेक्षण करत आहे. पीटीआय वृत्तसंस्थेने दिलेल्या माहितीनुसार लखनौस्थित ही रिअल इस्टेट कंपनी आणि सोनू सूदच्या फर्ममध्ये जमिनीचा व्यवहार झाला आहे, ज्याचे आयकर विभाग सर्वेक्षण करत आहे.

पण सोनू सूदच्या आयकर चौकशीला राजकारणाशी जोडले जात आहे. बॉलिवूड अभिनेता सोनू सूदला आम आदमी पक्षाचे संस्थापक आणि दिल्लीचे मुख्यमंत्री अरविंद केजरीवाल यांना भेटणे महागात पडल्याचे दिसत आहे. कारण तेव्हापासून तो राजकारणात (politics) प्रवेश करू शकतो अशी चर्चा होती. तथापि, सोनू सूदने आम आदमी पार्टीमध्ये सामील होण्याच्या वृत्ताला नाकारले होते. केजरीवाल यांच्या भेटीनंतर काही दिवसांनी सोनू सूदवर आयकर विभागाने धाड टाकली आहे.

Edited By : Krushnarav Sathe