मुंबई : बॉलिवूडची पटाखा गुड्डी म्हणजेच आलिया भट्ट(Alia Bhatt) ही बॉलिवूडमधील सर्वात उत्कृष्ट अभिनेत्रींपैकी एक आहे. सध्या आलिया तिच्या प्रेग्नेंसीमुळे खूप चर्चेत आहे. यावर्षी एप्रिल महिन्यातच आलिया भट्ट अभिनेता रणबीर कपूरसोबत(Ranbir Kapoor) विवाह बंधनात अडकली. आता हे कपल लवकरच आई-बाबा होणार आहे. लग्न झाल्यानंतर आलिया तिचं काम अधिक उत्साहाने करत आहे. नुकतेच एका मुलाखतीत आलियाला तिचे नाव बदलण्याबाबत प्रश्न विचारण्यात आला. या प्रश्नाचे आलियाने एकदम भन्नाट उत्तर दिले आहे.

लग्नानंतर आलियाने तिच्या नावासमोर कपूर आडनाव का लावले नाही असा तिला मुलाखतीत प्रश्न विचारला असता याच उत्तर देत आलिया म्हणाली 'सोशल मीडियावर आणि कामात माझं नाव आलिया भट्ट असच असेल आणि मी नेहमीच भट्टच राहीन. पण मी कागदोपत्री माझं नाव बदलून आलिया भट्ट-कपूर असे करणार आहे आणि याचा मला खूप आनंद आहे'.

आलिया पुढे म्हणाली, की तिच्या बिजी शेड्यूलमुळे आणि इंटरनेशनल प्रोजेक्टमुळे तिला पासपोर्टवर नाव बदलण्यासाठी वेळ मिळाला नाही. आलिया त्याच्या हॉलिवूड डेब्यू सिनेमा 'हार्ट ऑफ स्टोन'साठी एक महिना यूकेमध्ये होती. रणबीरने लगेचच पासपोर्टवर वैवाहिक असा स्टेट्स बदलल्यानंतर आलिया म्हणाली की, 'आता आम्हाला बाळ होणार आहे. मी कपूर कुटुंबासोबत राहत असताना भट्ट म्हणून नाव लावू शकत नाही'.

आलिया आणि रणबीर कपूर एप्रिल २०२२ मध्ये लग्नबंधनात अडकले होते. अनेक वर्षे एकमेकांना डेट केल्यानंतर त्यांनी लग्न करण्याचा निर्णय घेतला. या वर्षी जूनच्या अखेरीस आलिया आणि रणबीर आपल्या बाळाचे स्वागत करणार आहेत.