'हाऊसफुल 5' (Housefull 5) 6 जूनला थिएटरमध्ये रिलीज झाला आहे. 'हाऊसफुल 5' हा 'हाऊसफुल' फ्रँचायझीचा 5 वा भाग आहे. 'हाऊसफुल 5'मध्ये कॉमेडी आणि ॲक्शन पाहायला मिळत आहे. चित्रपटाला अक्षय कुमार, रितेश देशमुख ,अभिषेक बच्चन यांची कॉमेडीने चारचाँद लावले आहे. 'हाऊसफुल 5' हा चित्रपट सुरुवातीपासून त्याच्या दोन वेगवगेळ्या क्लायमॅक्ससाठी ओळखला जातो.
'हाऊसफुल 5' चित्रपट आता लवकरच 120 कोटी रुपयांचा व्यवसाय करणार आहे. या चित्रपटाने रिलीजच्या पहिल्या दिवसापासून बंपर कलेक्शन केले आहे. मात्र आता दिवसेंदिवस चित्रपटाच्या कलेक्शनमध्ये घट होताना पाहायला मिळत आहे. 'हाऊसफुल 5'चा बजेट तबल 225 कोटी रुपये आहे. या चित्रपटाचे सहाव्या दिवसाचे कलेक्शन जाणून घेऊयात.
दिवस पहिला - 24 कोटी रुपये
दिवस दुसरा - 31 कोटी रुपये
तिसरा दिवस - 32.5 कोटी रुपये
चौथा दिवस - 13 कोटी रुपये
पाचवा दिवस - 11.25 कोटी रुपये
सहावा दिवस - 8 कोटी रुपये
एकूण - 119.75 कोटी रुपये
अक्षय, रितेश आणि अभिषेकसोबत या चित्रपटात जॅकलीन फर्नांडिस, नर्गिस फाखरी, नाना पाटेकर, श्रेयस तळपदे, संजय दत्त , फरदीन खान आणि जॅकी श्रॉफ या कलाकारांनी धुमाकूळ घातला आहे. 'हाऊसफुल 5'ची निर्मिती साजिद नाडियादवाला यांनी केली आहे.
'हाऊसफुल 5' चित्रपटाचे दिग्दर्शन तरुण मनसुखानी यांनी केले आहे.'हाऊसफुल 5' थिएटरमध्ये गाजल्यावर घरबसल्या तुम्हाला पाहता येणार आहे. 'हाऊसफुल 5' चित्रपट अमेझॉन प्राइम व्हिडिओ या ओटीटी प्लॅटफॉर्मवर रिलीज होणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.