७० वर्षीय हॉलिवूड टीव्ही स्टार केल्सी ग्रामर यांनी चाहत्यांना खुशखबर दिली आहे. ग्रामर नुकतेच ८ व्या मुलाचे वडील झाले आहेत. या वर्षी फेब्रुवारी महिन्यात केल्सी हे ७० वर्षांचे झाले. ग्रामर यांनी 'पॉड मीट्स वर्ल्ड' पॉडकास्टदरम्यान ८ व्या मुलाची खूशखबर दिली. तर पत्नी केट वॉल्श यांनी चौथ्या बाळाचं स्वागत केलं.

पॉडकास्टमील एपिसोडमध्ये केल्सी ग्रामर यांनी म्हटलं की, 'आम्ही चौथ्या मुलाचं स्वागत केलं. आमच्या कुटुंबात एकूण ८ मुलं झालीये. केल्सी ग्रामर हे एमी अवॉर्ड विजेते आहेत. ते टीव्ही इंडस्ट्रीतील दिग्गज अभिनेते आहेत. त्यांच्या ८ व्या मुलाचा जन्म हा एपिसोडच्या तीन दिवस आधी झाला होता.

ग्रामर आणि ४६ वर्षीय केट वॉल्श यांनी २०११ साली लग्न केलं. त्यांच्याजवळ आता दोन किशोरवयीन मुली आणि मुले आहेत. पीपल मासिकेने जूनमध्ये सांगितलं होतं की, ग्रामर जोडपं चौथ्या बाळाचे आई-वडील होणार आहेत. वॉल्श यांच्याआधी ग्रामर यांचं लग्न डान्सर मॉडेल कॅमिल डोनाट यांच्याशी झालं होतं. त्याआधी त्यांनी ली-ऐन चुहानी यांच्या लग्न केलं होतं. तर त्याच्याही आधी त्यांनी डान्स इन्स्ट्रक्टर डोरीन एल्डरमॅन यांच्या लग्न केलं होतं. केल्सी ग्रामर यांना आधी ७ मुले होती.

सिटकॉम स्टार केल्सी ग्रामर हे ऑक्टोबर २०११ साली आजोबा झाले होते. त्यांची मुलगी स्पेन्सर हिने एका मुलाला जन्म दिला होता. त्यांनी २०१८ सालीच साठीनंतर बाप झाल्यानंतरचं आयुष्य कसं असतं, याविषयी भाष्य केलं होतं.

केल्सी ग्रामर यांनी लिहिलेल्या एका पुस्तकात त्यांच्या १८ वर्षीय बहिणीच्या हत्येच्या घटनेविषयी माहिती लिहिली होती. या प्रकारानंतर त्यांना आयुष्यभर झगडावं लागल्याचंही त्यांनी पुस्तकात लिहिलं होतं.