सध्या बॉलिवूडचा अभिनेता गोविंदा (Govinda ) चांगलाच चर्चेत आहे. गोविंदा आणि त्याची पत्नी सुनिता आहुजा यांच्या घटस्फोटाची चर्चा सोशल मीडियावर चांगली रंगली आहे. अशात नुकताच गोविंदाच्या मुलाचा वाढदिवस पार पडला. मात्र लेकाच्या बर्थडेला गोविंदाची गैरहजेरी पाहायला मिळाली. मुलाच्या बर्थडे पार्टीत गोविंदा कुठेच पाहायला मिळाला नाही.

गोविंदाचा मुलगा यशवर्धन आहुजाचा (Yashvardhan Ahuja ) नुकताच 1 मार्चला वाढदिवस झाला आहे. यशवर्धन आता 28 वर्षांचा झाला आहे. यशवर्धन आहुजाच्या वाढदिवसाची मोठी पार्टी आयोजित करण्यात आली होती. यशवर्धनचा वाढदिवसाला त्याची आई आणि बहीण दोघी पाहायला मिळाल्या. मात्र गोविंदा कुठेच दिसला नाही. त्यामुळे सुनिता आहुजा आणि गोविंदा यांच्या नात्यात दुरावा आल्याची चर्चांना उधाण आले आहे.

गोविंदाच्या लेकाच्या वाढदिवसाच्या पार्टीला त्याचे कुटुंब , मित्रमंडळी सहभागी झाले होते. यशवर्धनने आई सुनिता आहुजा आणि बहीणीसोबत मिळून बर्थडेचा सुंदर केक कापला. याचा व्हिडीओ तुफान व्हायरल होत आहेत. मात्र लेकाच्या वाढदिवसाला गोविंदा नसल्यामुळे नेटकऱ्यांच्या चर्चा सुरू झाल्या आहेत.

मीडिया रिपोर्टनुसार, गोविंदा आणि पत्नी सुनीता (Sunita Ahuja) यांच्यात दुरावा आल्याचे बोले जात आहे. गोविंदाचे नाव एका ३० वर्षीय अभिनेत्रीसोबत जोडले जात आहे. यावर उत्तर देत गोविंदा म्हणाला की, "सध्या मी माझ्या चित्रपटावर लक्ष केंद्रित करत आहे."

मीडिया रिपोर्टनुसार, सुनीताने घटस्फोटांच्या चर्चांवर उत्तर देत सांगितले की, "गोविंदाने राजकारणात प्रवेश केला तेव्हा त्याचे नेतेमंडळी घरी यायचे. तेव्हा माझी मुलगी आणि मी शॉर्ट्समध्ये असायचो. असे त्यांच्या समोर फिरणे चांगले वाटत नाही. मी मुलांसोबत फ्लॅटमध्ये राहते आणि गोविंदा फ्लॅटसमोरील बंगल्यात राहतो.मला आणि गोविंदाला वेगळे करण्याची कोणात हिंमत नाही."