Govinda Sunita Divorce: गोविंदा आणि सुनीता आहुजाच्या घटस्फोटाच्या बातम्या बऱ्याच काळापासून चर्चेत आहेत. अलिकडेच, सुनीता यांनी गेल्या वर्षी डिसेंबरमध्ये घटस्फोटासाठी अर्ज दाखल केल्याची बातमी आली होती. या बातमीने चाहते खूपच आश्चर्यचकित झाले आहेत. आता या सगळ्यामध्ये गोविंदाचे वकील ललित बिंद्रा यांचे एक विधान समोर आले आहे. ते म्हणतात की सध्या कोणताही खटला सुरु नाही.

वकिलाने सांगितले की सर्व काही ठीक आहे

एनडीटीव्हीशी बोलताना गोविंदाचे वकील म्हणाले की, 'कोणतीही केस सुरु नाही आहे त्यांच्यातील प्रकरण पुर्णपणे मिटले आहे. हे सर्व लोक जुन्या गोष्टी समोर आणत आहेत.' त्याच वेळी, असे वृत्त देखील आले की गोविंदा आणि सुनीता यांनी गणेश चतुर्थीसाठी काही माध्यमांना आमंत्रित केले आहे.

गोविंदाच्या मित्राने काय म्हटले

ई टाईम्सशी बोलताना गोविंदाच्या मित्राने हे वृत्त खोटे असल्याचे म्हटले. तो म्हणाला, 'दोघेही ३८ वर्षांपासून एकत्र आहेत, इतर जोडप्यांप्रमाणे त्यांच्यातही मतभेद होतात. मला सांगा की कोणते जोडपे भांडत नाही. गोविंदा सुनीताला कधीच सोडणार नाही. ‘गोविंदाने सुनीताला सोडले तर तो संपेल. जरी प्रकरण न्यायालयात गेले तरी ते दोघेही नेहमीप्रमाणे त्यांच्यातील अंतर कमी करतील.’

गेल्या वर्षी डिसेंबरमध्ये तिने गोविंदापासून वेगळे होण्यासाठी सुनीताने घटस्फोटाचा अर्ज दाखल केला होता. तिने हिंदू विवाह कायद्याअंतर्गत क्रूरता आणि फसवणूकीचा उल्लेख केला असल्याच्या बातम्या समोर येत आहेत मात्र अद्याप दोघांनाही या बातम्यावर कोणतीही प्रतिक्रिया दिली नाही.