मुंबई: रेट्रो किंग बप्पी लाहिरी यांचं वयाच्या 69 व्या वर्षी दु:खद निधन झालं आहे. बप्पी लाहिरींचे नाव घेतले की त्यांची सदाबहार गाणी आठवतात, त्यासोबतच त्यांच्या गळ्यातील आणि हातातील चमकणारे सोन्याचे दागिनेही आठवतात. बप्पी लाहिरी हे खूप सोने घालायचे. ते कुठेही गेले तरी त्यांच्या गळ्यात, हातात भरपूर सोनसाखळ्या आणि अनेक अंगठ्या असत. म्हणून त्यांना गोल्ड मॅन ऑफ इंडिया बप्पी लाहिरी या नावानेही ओळखले जाते (Gold Man Of India Bappi Lahiri wears lots of gold know why).

पण, बप्पी लाहिरी (Bappi Lahiri) इतके सोने का घालतात हे फार कमी लोकांना माहिती आहे. आज आम्ही तुमच्यासाठी याच प्रश्नाचं उत्तर घेऊन आलो आहोत.

बप्पी लाहिरी हे अमेरिकन रॉकस्टार एल्विस प्रेस्लीपासून खूप प्रभावित होते. त्यांना स्वतःला एल्विस प्रेस्लीशी कनेक्ट करायचे, म्हणून ते देखील एल्विससारखे बरेच दागिने घालायचे. याचा खुलासा खुद्द बप्पी लाहिरी यांनी एका मुलाखतीत केला आहे.

या मुलाखतीत बप्पी लाहिरी म्हणाले होते – "हॉलिवूडचे प्रसिद्ध गायक एल्विस प्रेस्ली सोन्याच्या साखळ्या घालायचे. मी प्रेस्लीचा खूप मोठा अनुयायी होतो. मला वाटायचे, जर मी एखाद्या दिवशी यशस्वी झालो तर मी स्वतःची वेगळी प्रतिमा तयार करेन. देवाच्या कृपेमुळे मी माझी एक वेगळी प्रतिमा तयार केली. पूर्वी लोकांना वाटायचे, हा केवळ दिखावा करण्याचा मार्ग आहे, पण तसे नाही. सोने माझ्यासाठी भाग्यवान आहे".

Edited By - Nupur Uppal