मुंबई - मुंबई पोलिसांच्या आर्थिक गुन्हे शाखेने चित्रपट निर्माता पराग सांघवी याला एका फसवणुकीच्या गुन्ह्यात अटक केली आहे. तक्रारदाराने २०१३ मध्ये कमला लॅडमार्क ग्रुपच्या सिस्टर्स कंपनी नामे कमला लॅडमार्क इन्फ्रा आणि कमला लॅडमार्क प्रॉपर्टीज यांच्याकडून टर्नर रोड, बांद्रा, मुंबई याठिकाणी 3 व्यावसायिक फ्लॅट खरेदी केले होते.

हे देखील पहा -

या फ्लॅट मधील एक फ्लॅट फिर्यादी यांनी कमला लॅडमार्क ग्रुपच्या सिस्टर्स कंपनी आणि आरोपी जितेंद्र रमेश जैन व पराग मधुसूदन सांघवी संचालक असलेल्या अम्बारा इंटरटेन्मेंट अँड मीडिया प्रा. लिमिटेड या कंपनीस, तसेच इतर दोन फ्लॅट मेटालिका प्रा. लिमिटेड या कंपनीला भाड्याने दिले होते.

हे फ्लॅट भाड्यावर घेतले असताना कमला लॅडमार्क ग्रुपच्या कमला लॅडमार्क प्रॉपर्टीज या कंपनीने ते तिसऱ्या व्यक्तीला विकले. या प्रकरणी तक्रारदार यांनी मुंबई पोलिसांच्या आर्थिक गुन्हे शाखेकडे १३ कोटी ७४ लाख रुपयांची फसवणुक केल्याप्रकरणी तक्रार दाखल केली होती. त्यानुसार आर्थिक गुन्हे शाखेच्या पोलिसांनी गुन्हा नोंदवून पराग संघवी याला अटक केली आहे.

Edited By - Shivani Tichkule