Payal Gaming MMS Leak : सोशल मीडियावर प्रसिद्ध गेमर आणि युट्यूबर पायल अचानक चर्चेत आली आहे. तिचा कथित एमएमएस व्हिडिओ व्हायरल झाल्याने चर्चा सुरू झाली आहे. सोशल मीडियाच्या विविध प्लॅटफॉर्मवर तिच्या नावाने तिचा कथित प्रायव्हेट व्हिडिओ व्हायरल होत असल्याचा दावा केला जात आहे . या प्रकारामुळे तिच्या चाहत्यांची चिंता वाढली आहे.

व्हायरल होणारा प्रायव्हेट व्हिडिओ नेमका पायलचा आहे का, असा प्रश्न सोशल मीडियावर उपस्थित केला जात आहे. २५ वर्षीय पायलचा दुबईतून १ मिनिट २० सेकंदाचा कथित प्रायव्हेट व्हिडिओ व्हायरल झालाय. सोशल मीडियावर काही चाहत्यांनी त्याची पडताळणी केली असता व्हायरल होणारा व्हिडओ एआय डिपफेक असल्याचं समोर आलं.

कथित व्हिडिओ व्हायरल झाल्यानंतर चाहते पायलच्या मदतीला धावून आले आहेत. व्हायरल व्हिडिओमधील तरुणी ही पायल नसल्याचा दावा चाहते करत आहेत. या व्हिडिओमधील तरुणी पायल नसून एआच्या मदतीने तिच्या चेहऱ्याचा वापर करण्यात आला आहे. त्यामुळे कोणीही पायलवर वैयक्तिक टिप्पणी करू नये, असंही चाहत्यांनी आवाहन केलं आहे.

एका चाहत्याने म्हटलं की, व्ह्यूजसाठी कोणाचीही प्रतिमा डागाळणे चुकीचे आहे. हा व्हिडिओ पूर्णपणे फेक एआय जनरेटेड आहे. टेक एक्सपर्ट्सच्या माहितीनुसार, या व्हिडिओच्या माध्यमातून डीपफेक स्कॅम आणि डिजिटल फसवणुकीची शक्यता होण्याची शक्यता आहे. असे अनेक प्रकरणे समोर आले आहेत. फसवणुकीसाठी प्रसिद्ध व्यक्तीच्या लोकांच्या चेहऱ्याचा वापर केला जात आहे.

कोण आहे पायल गेमिंग?

पायल ही भारतातील प्रसिद्ध गेमिंग इन्फ्लुएंसर्सपैकी एक आहे. पायल एक युट्यूबर असून तिचे ४.५ दशलक्षाहून अधिक सब्सक्रायबर्स आहेत. तर इन्स्टाग्रामवर ४.२ दशलक्ष फॉलोवर्स आहेत. तिचं ई-स्पोर्ट्समध्ये मोठं नाव आहे.