प्रसिद्ध अभिनेता, दिग्दर्शक आणि लेखक प्रसाद खांडेकर कायमच त्याच्या खास विनोदीशैलीमुळे चर्चेत असतो. कायमच आपल्या वैविध्यपुर्ण अभिनयासाठी चर्चेत राहणाऱ्या प्रसादची सध्या सोशल मीडियावर तुफान चर्चा सुरू आहे. नुकतंच प्रसाद खांडेकरने सोशल मीडियावर पोस्ट शेअर करत चाहत्यांसोबत नव्या घराची झलक शेअर केली आहे. त्याच्या घराच्या पुजेला ‘महाराष्ट्राची हास्यजत्रा’तील काही कलाकारांसह त्याच्या परिवारातील सदस्यांनी पुजेला हजेरी लावली होती.
प्रसाद खांडेकरच्या पुजेला नम्रता संभेराव, गौरव मोरे या दोघांनीही हजेरी लावली होती. दोघांनीही सोशल मीडियावर स्टोरी शेअर केली आहे. सोबतच यावेळी अभिनेत्याच्या आनंदात सहभागी होण्यासाठी त्याच्या कुटुंबीयातील अनेक सदस्य सुद्धा उपस्थित होते. प्रसाद खांडेकरने शेअर केलेल्या फोटोमध्ये, त्याची बायको, मुलगा, आई सह इतर कुटुंबीय दिसत आहेत. अभिनेत्याने शेअर केलेल्या फोटोंवर त्याच्या अनेक चाहत्यांनी त्याच्यावर अभिनंदनाचा वर्षाव केला असून काही सेलिब्रिटी मित्रांनी देखील कौतुकाचा वर्षाव केला.
प्रसाद खांडेकर आपल्या पोस्टमध्ये म्हणतो, “नवीन घर…अजून एक स्वप्न पूर्ण…घर शोधायला लागले १ वर्ष, घर बांधायला गेले ६ महिने, घर सजवायला गेले २ महिने, फायनली नवीन घरात शिफ्ट झालो. जुन्या दोन्ही घरांनी भरभरून दिलं त्या दोन्ही वास्तूंचे आभार, मोरया!” असं कॅप्शन देत अभिनेत्याने आपल्या कुटुंबासोबतचे काही खास फोटो शेअर केले आहेत. प्रसादच्या घराची नेमप्लेट देखील खूपच खास आहे. त्याने त्याच्या घराची नेमप्लेट क्लॅपबोर्डवर बनवलेली आहे. त्याच्यावर त्याचं नाव असून त्यावर अनेक चित्रं रेखाटलेली दिसून येत आहेत. नेमकं प्रसादने हे नवं घर कुठे घेतलंय, याची माहिती मिळालेली नाही.
सध्या अनेक मराठी सेलिब्रिटी नवीन घर, नवीन कार खरेदी करत आहेत. प्राजक्ता माळी, राधा सागर, मीरा जोशी, प्राजक्ता गायकवाडनंतर प्रसाद खांडेकरने नवीन घर खरेदी केल्यामुळे त्याची तुफान चर्चा होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.